दामन घटनामा केरलाका मूख्यमन्त्रीद्वारा क्षतिपूर्ति माग

१४ माघ, काठमाडौं । भारतको केरलाका मुख्यमन्त्रीले नेपालमा घुम्‍न आएका आठ भारतीयको मृत्युको क्षतिपूर्ति मागेका छन् ।  
भारतको केरलाका मुख्यमन्त्री पिनाराइ विजयनले संघीय विदेशमन्त्री एस जयशंकरलाई पत्र लेख्दै एक परीवारका आठ भारतीयको मृत्युको विस्तृत अनुसन्धानका लागि माग गर्न समेत आग्रह गरेका छन् । उनले पत्रमार्फत जनवरी २१ मा ज्यान गुमाएका आठै जना केरला राज्य भएको र नेपाल सरकारलाई क्षतिपूर्ति उपलब्ध गराउन माग गर्न संघीय विदेश मन्त्री जयशंकरलाई आग्रह गरेका छन् । 
यसअघि मकवानपुरको दामनस्थित पानोरोमा रिसोर्टमा बेहोस भएर मृत्यु भएका आठजना भारतीय एकै परिवारका सदस्य भएको प्रहरीले पुष्टि गरेको थियो । कोठामा हिटर बाली सुतेको अवस्थामा बेहोस भएका उनीहरुलाई कैलाश एयरको हेलिकप्टरबाट काठमाडौंस्थित हेम्स अस्पताल ल्याइएको थियो ।मृत्यु हुनेमा भारत केरलाका ३८ वर्षीय रन्जित कप, ३४ वर्षीय इन्द्र, ३७ वर्षीय प्रविण, ३२ वर्षीया सरिया, ५ वर्षीय अभी, ७ वर्षीया अर्चना,५ वर्षीय बैशनव र ९ वर्षीया बद्रा कप छन् । गल्फ न्यूजलाई उनीहरुको परिवारका सदस्यले बताएअनुसार सो परिवार बच्चाको जन्मदिन मनाउनका लागि नेपाल आएको थियो ।
बच्चाको जन्मदिन मनाउनका लागि उनीहरुले हरेकवर्ष फरक गन्तव्य रोज्ने गरेका थिए । सोही क्रममा यस वर्ष उनीहरु नेपाल आएका थिए । 
साभार : बाह्रखरी

यो पनि पढ्नुस्
मकवानपुरको पानोरमा रिसोर्टमा एक पर्यटकको मृत्यु, ७ अचेत ,       अपडेट : दामनमा अचेत भेटिएका ८ जनाकै मृत्यु ,        यी हुन दामनमा मृत्यु भएका ८ पर्यटक (नामसहित),   पानोरमामा पर्यटक मृत्युको घटनाबारे छानविन गर्न सांसदहरुको माग