काँग्रेस मकवानपुरले थाल्यो चुनावी अभियान

२६ फागुन, हेटौंडा । नेपाली काँग्रेस मकवानपुरको बिहीबार बसेको बैठकले जिल्लाको २ नगर र ८ गाउँपालिकामा चुनावी अभियान संचालन गर्ने निर्णय गरेको छ । 
नेपाली काँग्रेस मकवानपुरका सभापति, संस्कृति पर्यटन तथा नागरिक उड्डयन राज्यमन्त्री ईन्द्रबहादुर बानियाँको अध्यक्षता एवं नेपाली काँग्रेसकी केन्द्रीय सदस्य एवं सांसद महालक्ष्मी उपाध्याय डिनाको उपस्थितिमा भएको बैठकले चैत ७ गतेभित्र नयाँ संरचना अन्र्तगतका हेटौंडा उपमहानगरपालिकाको १९ वडा, थाहा नगरको १२ वडा र ८ वटै गाउँपालिकामा विभिन्न कार्यक्रमहरु गर्ने निर्णय गरेको छ । बैठकले चैत १२ गते जिल्ला भेला गर्ने निर्णय समेत गरेको प्रवक्ता प्रदीप कोइरालाले बताए । कोइरालाका अनुसार कार्यक्रम गर्न नगर र गाउँपालिकामा जिल्लाका नेताहरुलाई प्रतिनिधीको रुपमा खटाउने निर्णयसमेत गरेको छ ।
बैठकमा निवर्तमान सभापति रघुरमण न्यौपाने, उपसभापति विष्णुप्रसाद लामिछाने, सचिवद्वय बुद्ध लामा, आनन्द कठायत, कोषाध्यक्ष गोपीलाल विश्वकर्मा, प्रमूख सल्लाहकार माईकल रामचन्द्र अर्याल, संगठन विभाग प्रमूख कृष्णप्रसाद सञ्जेल, सल्लाहकार उमा दाहाल, अशोक शाक्य, दामोदर सुवेदी, रिता खनाल, प्रभातकुमार दाहाल, जिल्ला सदस्यहरु, ४ क्षेत्रका क्षेत्रीय सभापति, हेटौंडा उपमहानगरपालिका सभापति आनन्दराम पराजुली, थाहा नगर सभापति योगेन्द्रमान श्रेष्ठ, तरुण दलका अध्यक्ष ईश्वर पाठक, नेविसंघका अध्यक्ष राजु खतिवडालगायतको उपस्थिति रहेको थियो ।