रोट्रयाक्ट क्लबद्वारा शैक्षिक सामाग्री वितरण

१८ माघ, हेटौंडा । रोट्रयाक्ट क्लब अफ मकवानपुरले ७० जना बिद्यार्थीलाई शैक्षिक सामाग्री वितरण गरेको छ ।
क्लबले आईतवार हेटौंडा उपमहानगरपालिका वडा नम्बर ६ बारुते स्थित कृष्ण प्राथमिक बिधालयमा अध्ययनरत ७० जना बिद्यार्थीलाई शैक्षिक सामाग्री वितरण गरेको हो । 
क्लबका अध्यक्ष पुष्पराज अधिकारीको अध्यक्षतामा भएको कार्यक्रममा हेटौंडा उपमहानगरपालिका वडा नम्बर ६ का वडा अध्यक्ष अर्जुनप्रसाद चौलागाईंको प्रमुख आतिथ्यता रहेको थियो । 
कार्यक्रममा बोल्दै प्रमुख अतिथी चौलागाईंले आर्थिक रुपमा कमजोर, दलित जनजातिका मात्रै छोराछोरी पढ्ने भएकाले यस बिध्यालयलाई टिकाईराख्न पर्ने बताए । 
उनले बिधालयको शैक्षिक गुणस्तरमा वृद्धि भए यहाका अभिभावकले आफ्ना छोराछोरीलाई सामुदायिक बिध्यालयमा पढाउन ल्याउने भन्दै बिधालयलयको शैक्षिक कार्यमा सुधार ल्याउन बिधालय प्रशासनलाई आग्रह गरे ।
यस्तै बिद्यालय ब्यवस्थापन समितिका अध्यक्ष बिष्णुप्रसाद ढुंगानाले बिधालयमा विद्यार्थी र अभिभावककलाई आकर्षित गर्न सबै कक्षालाई अङ्ग्रेजी माध्यममा लगेको जानकारी दिए ।
गरिव, दलित तथा जनजातिका मात्रै बिध्यार्थी अध्ययन गर्ने भएकाले उनिहरुलाई टिकाईराख्न उपमहानगरको सहयोगमा दिवा खाजाको ब्यवस्था समेत मिलाइएको अध्यक्ष ढुंगानाले बताए ।
कार्यक्रममा जिल्ला खेलकुद विकास समितिका अध्यक्ष सानू लामाले शैक्षिक विकास गर्दै विद्यार्थीलाई बिधालयमा आकर्षित गराउने तर्फ ध्यान दिन आग्रह गर्दै बिध्यालयलाई आवस्यक सहयोग गर्न तयार रहेको प्रतिबद्धता व्यक्त गरे ।
यस बर्ष ८१ जना विद्यार्थी भर्ना भएपनी ७० जना विद्यार्थीमात्रै नियमित आउने गरेको बिधालयकि प्रध्यानाध्यापक मन्दिरा घिमिरेले जानकारी दिइन् ।