निबन्ध लेखनमा बालबोधकी साक्षी भुजेल प्रथम 

२४ माघ, हेटौंडा । हेटौँडा उपमहानगरपालिका अन्तर्गत साविक जनप्रिय स्रोत केन्द्रको आयोजनामा शुक्रबार मेरो अभिभावक’ विषयक निबन्ध लेखन प्रतियोगिता सम्पन्न भएको छ ।

हेटौंडा १७ स्थित राजदेवी माविमा भएको प्रतियोगितामा आधारभूत तह कक्षा ६ देखी ८ सम्म अध्ययन गर्ने विद्याथीहरुको सहभागिता रहेको थियो ।

१२ विद्यालयका १८ जना प्रतियोगीले भाग लिएको उक्त प्रतियोगितामा बालबोध माविकी साक्षी भुजेल प्रथम, कमला आधारभूत विद्यालयकी एलिसा बोलखे द्वितीय, जनप्रिय माविकी रश्मि बलामी तृतीय र मकवानपुर बाल विद्या सदनकी प्रश्ना गुरुङ सान्त्वना भएकी छिन् ।

प्रतियोगितामा प्रथम, द्वितीय, तृतिय र सान्त्वना हुनेले क्रमशः १५ सय, १२ सय , १ हजार र ८ सय रुपैया नगदसहित प्रमाणपत्र प्राप्त गरेका छन् ।

प्रतियोगिताको निर्णायकमा साहित्यकार सुवास खनाल र सञ्चारकर्मी सुनिल गौतम रहनुभएको थियो ।

राजदेवि माविका विद्यालय व्यवस्थापन समितिका अध्यक्ष दिव्यराज धमलाको सभाध्यक्षतामा भएको कार्यक्रममा ज्योति माविका विद्यालय व्यवस्थापन समितिका अध्यक्ष हर्क रम्तेल, राजदेवी माविका अभिभावक संघका अध्यक्ष चोपलाल धमला र प्रधानाध्यापक सानुकाजी पाण्डे लगायतले मन्तव्य व्यक्त गर्नुभएको थियो ।