प्रहरी निरीक्षक भण्डारीे माघ महिनाको बागमती प्रदेशकै उत्कृष्ट प्रहरी

२७माघ, हेटौँडा ।आम नागरिकको मर्म भावना बुझि उत्कृष्ट काम जस्ले गर्छ,उपाधि र पुुरस्कारको भागिदार त्यही हुन्छ । यसै क्रममा तीन नम्बर प्रदेश प्रहरी कार्यालय हेटौंडाले प्रदेशभरिबाट उत्कृष्ट काम गर्ने एक जना प्रहरीलाई उत्कृष्ट प्रहरी घोषणा गरेको छ ।

बागमती प्रदेश प्रहरी कार्यालय हेटौंडाले घोषण गरेको माघ महिनाको उत्कृष्ट प्रहरीमा वडा प्रहरी कार्यालय हेटौँडाका प्रमुख प्रहरी निरीक्षक ईश्वरी प्रसाद भण्डारी रहेका छन। भण्डारीेले माघ १६ गते मंगलबार हेटौँडा–११ थानाभर्याङमा मनहरीबाट हेटौंडातर्फ आउँदै गरेको बीआर ०६जे ४४५८ नम्बरको कार रोकी जाँच गर्ने क्रममा उक्त कार भाग्ने क्रममा २ राउन्ड गोली प्रहार गरी गाँजा तस्कर भारत मजफपुरमा ३५ बर्षीय कार चालक संजित पासवान, कारमा सवार ३५ बर्षीय अजैमल हवारी र ४५ बर्षीया जाहेरा खातुनलाई पक्राउ गरेको र लागूऔषध कारोबार र ओसारपसार नियन्त्रणमा उत्कृष्ट कामगरी आम जन्ताको गुनासोलाई प्रभावकारी ढङ्गबाट समाधान गर्न सफल रहेको भन्दै बागमती प्रदेश प्रहरी कार्यालय हेटौंडाले प्रहरी निरीक्षक भण्डारीलाई माघ महिनाको प्रदेशभरिबाट उत्कृष्ट प्रहरी  घोषण गरेको हो । 
प्रदेश प्रहरी कार्यालयका प्रमुख प्रहरी नायव महानिरीक्षक शेरबहादुर बस्नेतद्वारा जारी पत्रमा उत्कृष्ट कार्य बापत उत्कृष्ट प्रहरी घोषणा गरिएको जनाइएको छ ।

निरीक्षक भण्डारीले माघ ४ गते हेटौंडा ५ क्याम्पाडाँडा नजिक हत्या गरेर फालेको अवस्थामा भेटिएकी तेस्रो लिङ्गी अजिता भुजेलको हत्यको अनुसन्धानको जिम्मा पाएका थिए। उनको नेतृत्वमा खटिएको अनुसन्धान टोलिले हत्या गरिएको अजिताको हत्यारा १७दिन पछि पत्ता लगाउन सफल भएको थियो।