हेटौँडाका समाजसेवी युवाहरुको सम्मान योग्यकार्यः क्यान्सर पिडितलाई ७० हजार सहयोग

रकम हस्तान्तरण गर्दै वडाध्यक्ष न्यौपाने सहित युवा समुह

२८माघ, हेटौँडा। हेटौँडाका केही समाजसेवी युवाहरुको समूहले क्यान्सर पीडित एकजनालाई आर्थीक सहयोग गरेका छन ।  
युवाहरुको समुहले हेटौंडा १ चौकीटोलका जिभ्रोको क्यान्सर पीडित हिमालय थापालाई संकलन गरीएको ७० हजार नगद हस्तान्तरण गरेको हुन । 
थापाको उपचारको सहयोगार्थ स्थानीय समाजसेवी शम्भु नकर्मीको संयोजकत्वमा केही युवाहरुले आर्थिक संकलन अभियान चलाएर उक्त रकम संकलन गरेका थिए ।
युवा समुहले संंकलन गरिएको ७० हजार  मंगलबार पीडित थापाकी पत्नी यमुना थापालगायतका परिवारलाई घरमै पुगी हस्तान्तरण गरेका थिए ।हेटौंडा–१ नम्बर वडाध्यक्ष सविन न्यौपाने सहित  रकम संकलक संयोजक शम्भु नकमी,सुन्दर सामुदायिक वन उपभोक्ता समूहका अध्यक्ष कमल लामा, समाजसेवी हरिकृष्ण महर्जन, भ्वाईस अफ युथ चौकीटोलका अध्यक्ष धरमबहादुर लामा, सुन्दर युवा सञ्जालका अध्यक्ष जीवन छत्कुली लगायतले मंगलबार  पिडित थापाको घरमै पुगेर थापाकी पत्नी यमुना थापालगायतका परिवारलाई पुगी हस्तान्तरण गरेको हो । 
यता रकम लिदै थापाकी पत्नी यमुनाले सहयोगी युवा प्रति आभारी हुदै जिब्रोको क्यान्सर भएर उपचार गरी निको भएको भनिए पनि पुनः समस्या बल्झिएपछि उपचार आर्थिक अभाव  भएकोले आर्थिक सहयोगको लागि सबैसंग अनुरोध गरेकी छिन।