डिएसपी मधुकुमार थापा राष्ट्रपतिबाट पुरस्कृत

२९ माघ, हेटौंडा । नेपाल प्रहरीका प्रहरी नायव उपरीक्षक (डिएसपी) मधुकुमार थापा राष्ट्रपति विद्यादेवी भण्डारीबाट पुरस्कृत भएका छन् । अख्तियार दुरुपयोग अनुसन्धान आयोगको स्थापना दिवसको असरमा थापा राष्ट्रपति भण्डारीबाट पुरस्कृत भएका हुन् । 
थापालाई मंगलबार ‘उत्कृष्ट कर्मचारी अख्तियार सेवा पुरस्कार’ प्रदान गरिएको छ । अख्तियार दुरुपयोग अनुसन्धान आयोग बर्दिवासमा कार्यरत थापाले घुस खानेहरुलाई रंगेहात पक्राउ गर्दै आएका छन् । भ्रष्टाचार निवारणमा उनको भुमिका स्वरुप पुरस्कृत गरिएको जनाईएको छ । पुरस्कार ग्रहणपछि उनले प्रतिक्रिया दिंदै भने–‘सम्माननीय राष्ट्रपतिज्यूको बाहुलीबाट उत्कृष्ट कर्मचारी अख्तियार सेवा पुरस्कार प्राप्त भएकोमा गर्व महशुस गरेको छु । आगामी दिनहरुमा सकारात्मक, इमान्दारिता र निर्भिकताका साथ काम गर्ने हौसला र प्रेरणा मिलेको छ ।’ 
थापाले मकवानपुरमा प्रहरी निरीक्षकको रुपमा कार्यरत हुँदा गम्भिर प्रकृतिका अपराधिक घटनाको अनुसन्धानमा संलग्न रही दोषि पक्राउ गर्न सफल भएका थिए । जिल्लामा रहँदा समेत उनी उत्कृष्ट प्रहरी अधिकृतको रुपमा पुरस्कृत भईसकेका छन् । केही समय अघि डिएसपीमा बढुवा भएपछि उनी अख्तियार बर्दिवास कार्यालयमा कार्यरत छन् ।