नेपाल बैंक हेटौंडाका प्रमुखलाई काट्छु भन्दै खुकुरी देखाउने गिरी पक्राउ

२ फागुन, हेटौंडा । नेपाल बैंक लिमिटेड हेटौंडाका शाखा प्रमुख (म्यानेजर) लाई काट्छु भन्दै खुकुरी देखाउने एकजनालाई जिल्ला प्रहरी कार्यालय मकवानपुरले पक्राउ गरेको छ । पक्राउ पर्नेमा हेटौंडा–४ चिल्ड्रेन पार्कका ४४ बर्षीय गजेन्द्रराज गिरी रहेका छन् । पक्राउ परेका गिरीले प्रमुखलाई काट्नु भन्दै सिरुपाते खुकुरी देखाईरहेको जानकारी आएपछि पुगेको प्रहरी टोलीले बन्दुक देखाएर गोली हान्ने चेतावनी दिएपछि गिरीले खुकुरी छोडेका थिए । पक्राउ परेका उनलाई जिल्ला प्रहरी कार्यालयमा राखिएको मकवानपुर प्रहरीले जनाएको छ ।
प्रहरीका अनुसार यस्तो छ घटना विवरण
मिति २०७६।११।०२ गते अन्दाजी १२:०० बजेको समयमा जिल्ला मकवानपुर हेउमनपा वडा नं ४ स्थित नेपाल बैंकको शाखा हेटौंडा शाखामा जिल्ला मकवानपुर हेटौडा-४ चिल्ड्रेन पार्क बस्ने वर्ष ४४ को गजेन्द्र राज गिरीले बा ५ च २६२५ नम्बरकोको कारमा दाब सहितको खुकुरी लिएर आई दाबबाट खुकुरी निकाली उक्त बैंकका ब्रान्च मेनेजरलाई काट्छु भन्दै बैंक भित्र प्रवेश गरे पछि ब्रान्च मेनेजरले यस जिल्ला प्रहरी कार्यालय मकवानपुरमा खबर गरे पश्चात यस कार्यालयबाट सादा पोशाकका प्र।स।नि नविन बिक्रम थापा सहित ५ जनाको टोली तत्काल उक्त बैंकमा खटी गई निजलाई नियन्त्रणमा लिन खोज्दा प्रहरीलाई नै खुकुरी प्रहार गर्न खोजेकोले प्रहरीले पेस्तोल ताकी गोली हान्छु भनेकोले खुकुरी सहित निजलाई नियन्त्रणमा लिएको उक्त घटनालाई बुझ्ने क्रममा मिति २०७६।११।०१ गते दिउँसो खाता संचालन गरी बैंकमा सुनको गरगहना धितो राखी पैसा निकाल्न सोही शाखामा आई शाखा प्रबन्धक सँग कुरा गर्दा सुनका गरगहनामा शंका लागी धितो राख्न नमाने पछि त्यहाँबाट तलाई म देखाउछु भनी धम्कि दिई निस्केकोमा पुन : मिति २०७६।११।०२ गते निजले उक्त गैह्र कानूनी कार्य गरेको तथा निजले प्रयोग गरेको बा ५ च २६२५ नं को कार समेत नियन्त्रणमा लिई चेक जाँच गर्ने क्रममा निम्न सामानहरू फेला परेकोले खुकुरी, सवारी सहितनिजलाई नियन्त्रणमा लिई यस जिल्ला प्रहरी कार्यालय मकवानपुरमा ल्याई थप अनुसन्धान भैरहेको ।
साथै, निजले २०७६ कात्तिक महिनामा यस्तै प्रकृतिको कसुरमा सिम टि.भि.को कार्यालय तोडफोडमा संलग्न भएकोमा कारबाही गरी छाडिएको । 
निम्न
१) सिरुपाते खुकुरी थान १ (१६ ईन्च लम्बाई भएको)
२) नाईनस्टिक थान १
३) बेल्टको बक्कल फिट भएको चक्कु थान १
४) स्टिलको चाबी रिङ थान १
५) १०० m onerex को खाली बोतल थान १
६) १०० लेखेको स्काई कलरको १४ पिस (पेनेग्रा/भियग्रा)
७) हिङ १० पिस (१ वटा फुटेको)