सुनगाभाद्वारा पत्रकारदेखि अभिभावकसम्मलाई सम्मान

२ फागुन, हेटौंडा । हेटौंडा–६, चौघडामा रहेको सुनगाभा बहुउद्धेश्यीय सहकारी संस्थाद्वारा संचालित सुनगाभा शिक्षा निकेतन ईङलिस स्कूलको २० औं अभिभावक भेला शुक्रवार सम्पन्न भएको छ । अभिभावक भेलामा विद्यालयका प्रिन्सिपल अरुण पराजुलीले विद्यालयको शैक्षिक, आर्थिक र भौतिक प्रतिवेदन प्रस्तुत गरेका थिए । 
अभिभावक भेलामा विद्यालयले गरेका विभिन्न गतिविधिहरुको प्रचारप्रसारमा महत्वपूर्ण सहयोग गर्ने संचारकर्मी भीमसेन पौडेल, रुपेश दुलाल, उत्कृष्ठ शिक्षकमा राधिका गौतम, साजन दिपाली, उत्कृष्ठ अभिभावकमा रोसनी थपलिया, धन खड्का, नारायण गौतम, भवानी सापकोटालाई नगद पुरस्कार सहित सम्मान गरिएको थियो । 
हेटौडा–६ का वडा अध्यक्ष अर्जुनप्रसाद चौलागाईको प्रमुख आतिथ्यता एवम सहकारीका अध्यक्ष रामहरि न्यौपानेको सभाध्यक्षतामा अभिभावक भेला भएको थियो । 
भेलामा प्याबसन मकवानपुरका कार्यवाहक अध्यक्ष विनोद सुवेदी, ईष्टुका जिल्ला अध्यक्ष सविन लामा, सहकारीका संस्थापक अध्यक्ष बासुदेव अधिकारी, सहकारीका उपाध्यक्ष साधुराम चौलागाई, कोषाध्यक्ष रामहरि चौलागाई, विद्यालयका पूर्व अध्यक्ष हिमाल पौडेल, धु्रवप्रसाद चौलागाई, टोल विकास संस्था वडा समन्वय समिति, हेटौडा–६ का अध्यक्ष केशव धिताल, प्रज्वल शिक्षा सदनका प्रिन्सिपल गणेशकुमार श्रेष्ठ लगायतकाले शुभकामना मन्तव्य व्यक्त गरेका थिए । 
कक्षा १० सम्म अध्यापन हुने यस विद्यालयमा करीव ६ सय ५० विद्यार्थीहरु अध्ययनरत रहेको विद्यालय प्रशासनले जनाएको छ ।