माछा प्लानलाई उत्कृष्ट पर्यटकीय स्थल बनाउन समिति

हेटौंडा ५ मा रहेको माछा प्लान

५ फागुन, हेटौंडा।हेटौडा  ५ स्थित मत्स्य विकाश केन्द्र (माछा प्लान) लाई नेपालकै उत्कृष्ट पर्यटकीय स्थल बनाउन भन्दै  युवाहरुको एक समुहले भेला एवं बैठकको आयोजना गर्दै समिति गठन गरिएको छ। ध्रुब प्रसाद चौलागाईको संयोजकत्वमा केही युवाहरुको भेलाले मत्स्य विकाश केन्द्र उपयोग एवं पर्यटन प्रवर्धन समिती गठन गरेका छन्। 

भेलाले सुधीर थापा, शालिकराम पुडासैनी, रामचन्द्र स्याड़वो, केशब शाही, जेन श्रेष्ठ, माधब न्यौपाने, देवी प्रसाद दहाल, वालकृष्ण अधिकारी, देवी प्रसाद गौतम, केशब समर्पण, शिव थापा, पदम वजगाई, दिपेन्द्र ढकाल, हरीगोपाल सापकोटा, भानुभक्त आचार्य,प्रमिला केसी, रामकृष्ण तिमल्सिना, भिषण चौलागाई, शुसील घिमिरे, शुक्रराज लामा नेतृत्वको  समिति निर्माण समेत गरेको छ ।

उक्त भेला एवं बैठकले मत्स्य विकाश केन्द्रसंगै जोडिएको जंगल, कान्तिराजपथको दुईतर्फ रही जंगलसम्म जोडिएको पोखरीलाई कान्तिराजपथमा डुङ्गा चल्न सक्ने पुलले जोडी  डुंगा चलाउने र आसपासको क्षत्रलाई पर्यटकीय स्थलको रुपमा विकाश गर्न स्थानिय सरकार, प्रदेश सरकार र केन्द्र सरकारसंग पहल गर्ने र यस क्षत्रलाई नेपालकै उत्कृष्ट पर्यटकीए स्थलको रुपमा विकाश गर्ने अभियानको   शुरुवात गरिएको संयोजक ध्रुब प्रसाद चौलागाई बताएका छन्।