सालक पार्कको महायज्ञमा ९ लाख रुपैयाँ संकलन

६ फागुन हेटौंडा । हेटौंडा–१७ सालक पार्कमा भईरहेको श्रीमदभागवत सप्ताह ज्ञानमहायज्ञमा मंगलवारसम्ममा ९ लाख रुपैयाँ आर्थिक संकलन भएको छ । चुच्चेखोला सामुदायिक वन उपभोक्ता समूहले आयोजना गरेको महायज्ञमा मंगलवार मात्रै थप ३ लाख ६० हजार संकलन भएको हो ।
मंगलवार मकवानपुगढी–२ का बमबहादुर पन्तले तुलादानमार्फत २७ हजार ५ सय हेटौडा–५ निवासी आनन्दराम पराजुलीले १६ हजार १ सय ८ हेटौडा–२ का पुष्कल दाहालले १५ हजार १ सय ८ बकैया–१२ ठिंगनका मिठाराम दाहालले १५ हजार एक सय ८ सहयोग गरेको महायज्ञका आर्थिक उपसमिति संयोजक राजन चौलागाईले बताए ।   
यसैगरी, हेटौडा–५ का लोकनाथ न्यौपानेले ११ हजार १ सय ८, हेटौडा–१७ का रंगनायक तिमल्सिनाले ११ हजार १ सय ८, पवित्रादेवी गौतमले ११ हजार १ सय ८, हेटौडा–६ बस्ने प्रमेशकुमार पराजुलीले ११ हजार १ सय ८, हेटौडा–१७ का जगनाथ पुडासैनीले ११ हजार १ सय ८ दान गरेका छन् । 
फागुन १० गतेसम्म संचालन हुने महायज्ञमा नारी रत्न विदुषी अनुराधा शास्त्रीले कथावाचन गरिरहेकी छिन् । महाशिव रात्री र नेपाल भ्रमण वर्ष २०२० को अवसर पारी आध्यात्मिक चिन्तनद्वरा राष्ट्र, शान्ति, लोक कल्याण र  विश्वकै लापोन्मुख सुचिमा परेको सालकको संरक्षण र पार्कको विकासको लागि महायज्ञको आयोजना गरिएको प्रचारप्रसार उपसमिति संयोजक नवराज न्यौपानेले बताए । 
महायज्ञबाट करिब १ करोड संकलन हुने र करिब १५ लाख रुपैँया खर्च हुने अनुमान आयोजकले गरेको छ ।