एमाले क्षेत्रीय सदस्यसहित ३१ जना कांंग्रेस प्रवेश

३ चैत, हेटौंडा । नेपाली कांग्रेस हेटौंडा उपमहानगरपालिकाको नयाँ संरचनाअन्तरगत २ वडामा भेला तथा अन्तरक्रिया सम्पन्न भएको छ ।
चैत १ गतेदेखि हेटौंडा उपमहानगरको १९ वटै वडामा वडा भेला गर्ने क्रममा कांग्रेसले बिहिबार साविकको हेटौंडा १४ र १५ वडा हाल १३ नम्बर वडा र साविकको १६ नम्बर वडा हालको १४ नम्बर वडामा भेला तथा गरेको हो ।
  हेटौंडा उपमहानगरपालिका १४ र १५ नम्बर वडामा भएको संयुक्त भेलामा साविक १४ नम्बरका वडा सभापति कृष्णबहादुर थिङको सभाध्यक्षतामा भेला तथा अन्तरक्रिया कार्यक्रम भएको थियो । कार्यक्रममा कार्यकर्ताबाट नयाँ संरचनाअन्तरगत हुने स्थानीय तहको निर्वाचनको बारेमा उठेका प्रश्नको कांग्रेस मकवानपुरकी सल्लाहकार रिता खनालले जवाफ दिएकी थिईन् ।
त्यस्तै १४ नम्बर वडामा साविक १६ नम्बरका वडा सभापति बलराम बलको सभाध्यक्षतामा भएको बृहत भेला तथा अन्तरक्रिया कार्यक्रममा कार्यकर्ताबाट उठेको प्रश्नको जवाफ निर्वतमान पार्टी सभापति रघुरमण न्यौपानेले दिएका थिए । कार्यक्रममा नेकपा एमाले ३ नम्बर क्षेत्रीय सदस्य टिका बानियाँ, रामकुमार बल, बिक्रम बललगायत ३१ जना विभिन्न पार्टी परित्याग गरी नेपाली कांग्रेसमा प्रवेश गरेका थिए ।
दुवै वडामा छुट्टाछुट्टै भएको कार्यक्रममा जिल्लाबाट वडा भेलाका लागि खटिएका प्रतिनिधीहरु प्रमूख सल्लाहकार माईकल रामचन्द्र अर्याल, सल्लाहकारहरु दामोदर सुवेदी, अशोक शाक्य र प्रभातकुमार दाहाल, प्रवक्ता प्रदिप कोईराला, ३ नम्बर क्षेत्रीय सभापति तारानाथ चौलागाई, नगर सभापति आनन्दराम पराजुली, निवर्तमान नगर सभापति ईश्वरलाल श्रेष्ठ, महासमिति सदस्य भरत पराजुली, पूर्व जिल्ला उपसभापति नारायणप्रसाद लम्साल, महाधिबेशन प्रतिनिधी रमेशध्वज कार्की, ३ नम्बर क्षेत्रीय महिला सभापति तारा कार्की, पूर्व जिल्ला सदस्य गोपाल अधिकारी, अर्जुन थिङ, चम्फुरत्न लामालगायतको उपस्थिति रहेको थियो ।
नेपाली कांग्रेस मकवानपुरको नयाँ संरचना अन्तरगत चुनावी अभियान हेटौंडा उपमहानगरपालिकाको १९ वटै वडा, थाहा नगरको १२ वटै वडा र ८ वटै गाउँपालिकामा चैत १ गतेदेखि ९ गतेसम्म वडा भेला तथा बृहत अन्र्तक्रिया गर्ने र चैत १२ गते जिल्ला भेला गर्ने कार्यक्रम रहेको पार्टीका प्रवक्ता प्रदिप कोईरालाले जानकारी दिए ।