मकवानपुरमा एक सातामा ९ जोडी वालविबाह रोकीए

८ फागुन, हेटौंडा । प्रदेश सरकारले सन् २०८० सम्म बागमती प्रदेशलाई वालविवाह मुक्त बनाउने घोषणा गरेसंगै स्थानीय तह र सामाजिक अभियात्नाहरुको पहलमा मकवानपुरमा एक सातामा ९ जोडी वालवालिकाको विवाह रोकीएको छ । 
वालबालिकाका क्षेत्रमा काम गर्दै आएको सिवीन बाल हेल्प लाईनले भीमफेदी गाउँपालिकामा मात्रै ६ वटा बालविवाह रोकीएको बताएको छ । 
यस्तै हेटौंडा उपमहानगरपालिकामा २ र बकैयामा एउटा वालविवाह रोकीएको सिवीन बाल हेल्पलाईनका संयोजक झविन्द्र ज्ञवालीले जानकारी दिए । 
विवाह गर्ने र गर्न प्रयास गर्ने बालिकाहरुको उमेर २ जना बालिका १४ वर्षका, ३ जना १५ वर्षका र ३ जना १६ वर्षको उमेरका रहेको संयोजक ज्ञवालीले बताए । 
यस्तै यी बालिकाहरुसँग विवाहगर्ने वा गर्न प्रयास गर्ने बालकहरु मध्ये ६ जना २० वर्ष मुनिका र २ जना २१ र २२ वर्षउमेरका रहेको संयोजक ज्ञवालीले जानकारी दिए । 
बालविवाह न्युनिकरण नगरी बालमैत्री पालिका घोषणा गर्न नसकिले भएकाले बालविवाहमा रोक लगाउन पालिकाको तर्फबाट प्रयास थालीएको अध्यक्ष हिदम लामाले बताए ।
बालविवाह मुक्त प्रदेश सहजकर्ता पविना लामा, सिविन बालहेल्पलाईनका जिल्ला संयोजक झविन्द्र ज्ञवाली लगायतको सहभागीतामा बालविवाह रोक लगाउन पालिका मै बसि छलफल गरिएको थियो ।
बालबालिकाको अभिभावकसंग बालविवाह विरुद्ध सरकारी नीतिको जानकारी गराएर बालबालिका र अभिभावकहरुलाई सचेत गराईएको थियो । 
वालविवाह कानूनी रुपमा दण्डनीय फौजदारी अपराध हो । तर समाजमा यसलाई सामान्य रुपमा लिने गरिएकै कारण यसलाई रोक्न चुनौती देखिएको उपाध्यक्ष पार्वती रानाले बताइन् । 
अभिभावक र वालवालिकालाई सचेत पार्दै गाउँपालिकाले वालविवाह रोक्ने अभियान थालेको उपाध्यक्ष रानाले जानकारी दिइन् । फोटोः गुगल