बागमती गोल्डकपः जाउलाखेल फाइनल प्रवेश

१० फागुन, हेटौंडा । संकटा युथ क्लब काठमाडौंलाई पराजित गर्दै जाउलाखेल युवा क्लब तेस्रो बागमती गोल्डकपको फाईनलमा प्रवेश गरेको छ । 
शनिवार मकवानपुरको बागमती गाउँपालिकामा जारि प्रतियोगितामा शनिबार संकटालाई २ः० गोल अन्तरले हराउँदै जावलाखेल उपाधि नजिक पुगेको हो । जावलाखेले अब उपाधिको लागि हिमालयन शेर्पा क्लवसंग प्रतिस्पर्धा गर्ने छ । 
शनिवार भएको दोस्रोे सेमिफाईनल खेलमा जावलाखेल युवा क्लवको जितका लागी विदेशी खेलाडि अदामादुम्बीअ र बिमल घिसिङले १–१ गोल गरे । 
खेलमा जावलाखेका विदेशी खेलाडि अदामादुम्बीअ म्यान अफ दी म्याच घोषित भए । उनले नगद पाँच हजार पुरस्कार प्राप्त गरे । 
गोेल्डकपको विजेताले ६ लाख नगद, शिल्ड र मेडल पाउने छन् । उपविजेतले ३ लाख हात पार्नेछन् । यस्तै प्रतियोगिताको सर्वोत्कृष्ट खेलाडीले ५० हजार नगद पाउने छन् भने उत्कृष्ट गोलरक्षक, फरवार्ड, मिडफिल्डर, डिफेन्डर र प्रशिक्षकले जनही १० हजार पुरस्कार प्राप्त गर्ने छन् ।
प्रतियोगिता बागमती खेलकुद विकास समितिको आयोजना र बागमती गाउँपालिका मकवानपुरकोे प्रायोजनमा भएको हो । 
यसअघि भएको पहिलो बागमती गोल्डकपको उपाधी हरिहरपुरगढीले जितेको थियो थियो भने दोस्रो गोल्डकपको उपाधी सरस्वती युवा क्लबले जितेको थियो । बागमती गोल्ड कपको फाईनल खेल फागुन ११ गते हुनेछ ।