सालक पार्कको महायज्ञमा ८६ लाख ५० हजार संकलन

१० फागुन, हेटौंडा । हेटौंडा–१७ मा चुच्चेखोला सामुदायिक वन समूहको आयोजनामा फागुन २ गतेदेखि भएको श्रीमद्भागवत सप्ताह ज्ञान महायज्ञमा ८६ लाख ५० हजार रुपैंया संकलन भएको छ । शनिबार सम्पन्न महायज्ञमा शनिबार मात्रै ६ लाख ५० रुपैँया बराबरको सहयोग प्राप्त भएको आर्थिक समिति संयोजक राजन चौलागाईले बताए ।
बकैया गाउँपालिकाका अध्यक्ष दामोदर खनालबाट एक लाख, मोतिदान कन्स्ट्रक्सनका संचालक रामबहादुर गौतमबाट ३ लाख रुपैँया बराबरको ४२० बोरा सिमेन्ट, व्यवसायी तुल्सीराम लामिछानेबाट ११ हजार लगायत सहयोग प्राप्त भएको छ । हेटौंडा वडा नम्बर १७ का वडा अध्यक्ष भैरवबहादुर राईको प्रमुख आतिथ्यता एवं महायज्ञ मूल समारोह समितिका संयोजक अर्जुनप्रसाद दाहालको सभाध्यक्षतामा समापन कार्यक्रम सम्पन्न भएको छ ।
कार्यक्रममा चुच्चेखोला सामुदायिक वन उपभोक्ता समितिकी उपाध्यक्ष कल्पना पराजुली, मूल्यांकन समितिका संयोजक प्रेमप्रसाद लम्साल, अभियानकर्ता उद्धव शर्मा, कार्यालय सचिव केदार गौतम लगायतले मन्तव्य व्यक्त गरिएको थियो । कार्यक्रममा महायज्ञमा सहयोग गर्ने व्यक्तित्वलाई सम्मान गरिएको गरिएको थियो भने कथा वाचन टोलीलाई विदाई गरिएको थियो । महायज्ञमा ८० लाख रुपैँया आर्थिक सहयोग संकलन भएको छ । महायज्ञमा नारी रत्न विदुषी अनुराधा शास्त्रीले कथावाचन गरेकी थिईन् । 
महाशिव रात्री र नेपाल भ्रमण वर्ष २०२० को अवसर पारी आध्यात्मिक चिन्तनद्वरा राष्ट्र, शान्ति, लोक कल्याण र  विश्वकै लापोन्मुख सुचिमा परेको सालकको संरक्षण र पार्कको विकासको लागि महायज्ञको आयोजना गरिएको थियो ।