लागुऔषध सेवनकर्तालाई काउन्सिलिङ गर्दै एसपी राठौर

१२ फागुन, हेटौंडा । मकवानपुरमा लागु औषध सेवनकर्ताको वृद्धि भइरहेको छ । दिनप्रतिदिन प्रहरीले सेवनकर्ता विभिन्न स्थानवाट पक्राउ गर्ने गरेको छ ।

पक्राउ परेका मध्ये केहीलाई सम्झाइबुझाई तथा केहिलाई नियन्त्रणमा लिएर अनुसन्धान गरेको अवस्थामा मकवानपुर प्रहरीले लागु औषधको कुलतमा फसेका युवा युवतीलाई कारवाही भन्दापनि काउन्सिल गर्ने कार्यको सुरुवात गरेको छ। मकवानपुर प्रहरी प्रमुख प्रहरी उपरीक्षक सुशिल सिंह राठौरले लागु औषध सेवन कार्यमा पक्राउ परेकालाई आफै बसेर काउन्सिल गर्ने अभियानमा लागि परेका छन।

'हामीले आइतबार राति हेटौडा बजारको विभिन्न स्थानबाट लागु औषध सेवन गरिरहेको अवस्थामा पक्राउ परेका ५ जना युवतिलाइ सुधार्न सकिन्छ भन्ने उद्देश्यले काउन्सिल गरिएको र यो अभियानले फागुन महिनाभर निरन्तरता पाउने'उपरीक्षक राठौरले बताए। उपरीक्षक राठौरले लागुऔषध सेवमा फस्नुको कारण पहिचान गरी सेवन कार्यमा फसेकालाइ  कारवाही भन्दापनि काउन्सिल आवश्यक देखिएकोले काउन्सिलिङ्को पक्षमा लागिएको बताए। उनले दिनप्रतिदिन सेवन कर्ताको संख्या बढ्दै गएको र काउन्सिलिङ्गले सेवनकर्तामा चेतना पैदा हुने भन्दै अभियानको सुरुवात गरिएको बताए।

उनिहरूलाई मायाको आवश्यक परेकोले मुस्कान सहितको अभियानको थालनि गरिएको जानकारी दिएका छन् ‌।‌एसपी सरले हामिलाई अभिभावक जसरी काउन्सिलिङ गर्नु भयो वास्तवमा प्रहरी साथी नै रहेछ लागुऔषध सेवन गरेको आरोपमा पक्राउ परेकी मनहरी ज्यामिरेकी १७ बर्षीया  एक युवतीले बताइन।

' हिजोको दिनमा जानी नजानि कुलतमा फसियो तर अाज एसपी सरको परामर्शले म हिडेको बाटो गलत रहेछ भन्ने बिझे,अब म लागुऔषध लाई भुलेर सिप मुलक काममा लाग्ने छु' युवतीले बताइन। 

मकवानपुर प्रहरीले सुरु गरिएको यस अभियान पक्कै साथीको लहैलहैमा लागेर, पारिवारीक विचलनाम परेर लागु औषध सेवन गरेका युवायुवतीलाई बरदान सावित हुनेछ। जसमा मकवानपुर प्रहरी तथा एसपी राठौरको यस अभियानले मकवानपुर प्रहरी लागु औषध सेवनकर्ताको संख्यामा कमि गराउन सफल आकलन गर्न सकिन्छ।