मकवानपुरमा तास खेल्दै गरेका महिलासहित ५ जना पक्राउ

१४ फागुन, हेटौंडा । मकवानपुर प्रहरीले तास खेल्दै गरेको अवस्थामा एक महिलासहित ५ जनालाई पक्राउ गरेको छ । उनीहरुलाई चित्लाङस्थित होटलमा तास खेल्दै गरेको अवस्थामा पक्राउ गरेको हो ।
पक्राउ पर्नेमा स्थानीय ३५ बर्षीय सानुकान्छा गोले, ३९ बर्षीय सुदर्शन भट्टराई, ५२ बर्षीय सुकदेव बस्नेत, ३८ बर्षीय रामकुमार स्याङतान र ५० बर्षीया सानुमाया बलामी रहेका छन् । उनीहरुको साथबाट ६४ हजार ७ सय रुपैंया र तास बरामद भएको जिल्ला प्रहरी कार्यालय मकवानपुरले जनाएको छ । थाहा नगरपालिका वडा नम्ब्र ९ चित्लाङको बनदेवी होटलमा तास खेलाउने गरेको सूचनाको आधारमा मंगलबार ईलाका प्रहरी कार्यालय पालुङ्का प्रहरी निरीक्षक विकाश कुमार तामाङ्को टोलिले उनीहरुलाई नियन्त्रणमा लिएको र आवश्यक अनुसन्धान अघि बढेको प्रहरीले जनाएको छ । पक्राउ परेकाहरुलाई जुवा मुद्दा दर्ता गरिएको जिल्ला प्रहरी कार्यालय मकवानपुरका प्रहरी प्रवक्ता प्रहरी नायब उपरीक्षक टिका बहादुर कार्कीले बताएका छन् ।

यस अघि माघ २० गते ईलाका प्रहरी कार्यालय पालुङ्का प्रहरी प्रमुख प्रहरी निरीक्षक विकाश कुमार तामाङ्को टोलिले थाहा ६ मा रहेको बज्रबाराही बचत तथा ऋण सहकारी संस्था चोरी गर्ने ईन्द्रसरोबर ५का धन बहादुर रम्बा,कृष्ण राज लामा र राजीव कुमार लामालाई चोरी गरेको नगद २ लाख,चोरीमा प्रयोग भएको २ वटा मोटरसाइकल सहित २४ घण्टा नबिदै पक्राउ गरेको थियो