हेटौँडाबाट लागु औषध सहित ५ जना पक्राउ

लागु औषध सहित पक्राउ परेकालाई सार्वजनिक गर्दै मकवानपुर प्रहरी

१५ फागुन, हेटौँडा ।मकवानपुर प्रहरीले जिल्लाको विभिन्न स्थानबाट लागु औषध सहित ५ जनालाई पक्राऊ गरेको छ ।
 ईलाका प्रहरी कार्यालय नेवारपानीबाट प्रहरी सहायक निरीक्षक राजेश कुमार यादवको चेकिङ् टोलिले पूर्व पश्चिम राजमार्ग अन्र्तगत  हेटौँडा १९मा नारायणगढबाट बिरगंजतर्फ जाँदै गरेको ना ६ ख ३५३२ नम्बरको यात्रुवाहक बसलाई रोकि चेकजाँच गर्दा मकवानपुर कैलाश गाउँपालिका भार्ता निवासी  ३२ बर्षीय शुशिल कुमार स्याङबोलाई ६ किलो लागु औषध गाँजासहित पक्राऊ गरेको छ ।  
त्यसैगरीे बिहिबार बिहान हेटौडा – १५ अन्तर्गतको पूर्व पश्चिम राजमार्गमा ईलाका प्रहरी कार्यालय पशुपतिनगरको  प्रहरी टोलीले बाराबाट हेटौँडा तर्फ आउदै गरेको ना ५ ख ५४२१ नम्बरको यात्रुवाहक बसमा चेकजाच गर्दा बारा जितपुर सिमरा वडा नम्बर–१ बस्ने ४५ बर्षीय महमद आलम देवानलाई लागूऔषध नाईट्रोभेट १४ ट्याब्लेट, विनरेक्स ८ पिस, सिम्प्लेक्स प्लस कयाप्सुल २४ पिस सहित पक्राऊ गरेको छ ।
त्यसैगरी इलाका प्रहरी कार्यालय पशुपतिनगरको टोलिले ना ६ ख ८९२ नम्बरको बसलाई चेकजाचका क्रममा हेटौँडा १६ हटिया  बस्ने २४ बर्षीय दिनेश घलानलाई लागूऔषध ६ बोतल उईनरेक्स  र हर्नामाडिका वर्ष २४ को रोशन मालबु को साथबाट १४ बोतल उईनरेक्स र चेकजाचकै क्रममा ना ६ ख १५३५ नम्बरको यात्रुवाहक बसबाट पर्सौनी –५ बस्ने बर्ष ३३ को मन्तोष ठाकुरलाई नाईट्रोभेट ७५ ट्याब्लेट सहित पक्राउ गरेको जिल्ला प्रहरी कार्यालय मकवानपुरका प्रहरी प्रवक्त डिएसपि टिका बहादुर कार्कीले बताएका छन।पक्राऊ परेकालाई लागू औषध नियन्त्रण ऐन, २०३३ बमोजिम कारवाही पक्रिया अगाडी बढाइएको डिएसपि कार्कीले बताए।