बकैयामा साहित्य महोत्सवः शनिबार स्रष्टा सम्मान र रचना वाचन    

१७ फागुन, हेटौँडा । शुक्रबारबाट जारी बकैया महोत्सवको आज स्रष्टा सम्मान र रचना वाचन कार्यक्रमका साथै दुइवटा विषयमा अन्तरक्रिया कार्यक्रमको आयोजना रहने छ । 
साहित्य क्षेत्रमा विविध किसिमले योगदान पुर्याउनुहुने ६ जनालाई विभिन्न सम्मानहरू प्रदान गरिने कार्यक्रम रहेको जनाइएको  । साहित्यकार तथा पत्रकार डा. नवराज लम्साललाई होमनाथ–टीकामाया प्रतिभा सम्मान–२०७६ विनोदविक्रम के।सीलाई खडानन्द–मनमाया प्रतिभा सम्मान–२०७६  प्रदान गरिने आयोजकले जनाएको छ । 
त्यसैगरी कवि विना थिङ तामाङलाई सुशीला दंगाल स्मृति सिर्जनशील नारी सम्मान–२०७६ र साहित्यसेवी मुक्तिगोविन्द वैद्यलाई सञ्जीवनी बुटी साहित्य सेवा सम्मान–२०७६ प्रदान गरिने जनाइएको छ । त्यसैगरी बाबुलाल–भोजमाया स्मृति साहित्य सम्मान–२०७६ व्यङ्ग्यकार रामचन्द्र आचार्य ‘फुर्सती’लाई प्रदान गरिने र यसवर्षबाट सुरु भएको झरना–बकैया पत्रकार सम्मान –२०७६ पत्रकार प्रताप विष्टलाई प्रदान गरिने आयोजक संस्थाका उपाध्यक्ष चिरञ्जीवी लामिछानेले जानकारी दिएका छन। कला साहित्यको विकासमा स्थानीय तहको भूमिकाु तथा नेपाली साहित्यमा मकवानपुर विषयका छुट्टाछुट्टै अन्तरक्रिया कार्यक्रम रहने आयोजकले जनाएको छ ।