६ चैत, हेटौँडा । स्थानीय तह निर्वाचनको मिति नजिकिंदै गर्दा मकवानपुरमा उम्मेदवारहरुबारे छलफल शुरु भएको छ । उपमहानगरपालिका, नगरपालिका र गाउँपालिकामा विभिन्न पार्टीका नेता उम्मेदवार बन्न छलफल शुरु भएको हो ।
पछिल्लो समय हेटौँडा उपमहानगरपालिकाको मेयर को होला भन्नेमा धेरैको चासो छ । मकवानपुरमा नेपाली कांग्रेस, नेकपा एमाले, नेकपा माओवादी केन्द्र, राप्रपा, नेकपा माले, नयाँ शक्ति लगायतका पार्टीमा हेटौँडा उपमहानगरको मेयरका लागि आन्तरिक दौडधुप चलिरहेको छ । पार्टी संस्थागत रुपमा कसलाई उम्मेदवार बनाउँदा विजयी हासिल गर्न सकिन्छ भनेर आन्तरिक तयारीमा जुटेको छ भने उम्मेदवारका आकांक्षीहरु आफ्नो पक्षमा सहमति जुटाउन लागि परेका छन् । विशेषगरी कांग्रेस, एमाले र माओवादी केन्द्रमा बढि रस्साकस्सी छ भने राप्रपा, माले, नयाँ शक्ति लगायतका पार्टीमा कम दौडधुप देखिन्छ ।
नेपाली कांग्रेस
देशकै ठूलो पार्टी नेपाली कांग्रेसको तर्फबाट हेटौँडाका मेयरको उम्मेदवार बन्न आन्तरिक दौडधुप तिब्र बनेको छ । कांग्रेसमा अहिलेसम्म औपचारिक रुपमा स्थानीय तहको उम्मेदवारीका लागि पार्टीको छलफल नभएपनि आकांक्षीहरु पार्टी सभापति एवं गृहराज्यमन्त्री ईन्द्रबहादुर बानियाँसंग सम्पर्कमा छन् । बानियाँले काम गर्नेलाई उम्मेदवार बनाउने उद्घोष गरेसँगै पछिल्लो समय पार्टीको अभियानमा नेताहरुको दौडधुप देखिन थालेको पार्टी कार्यकर्ताहरुले महसुस गरेका छन् । कांग्रेसमा वर्तमान नगर सभापति आनन्दराम पराजुलीको नाम चर्चामा छ । निर्माण व्यवसायी संघका अध्यक्ष समेत रहेका उनलाई पार्टीले उम्मेदवार बनाउने धेरेको आंकलन छ । पार्टीले जिम्मेवारी दिए आफु जनताको हितमा खटिने उनले बताउँदै आएका छन् । कांग्रेस पूर्व उपसभापति एवम् वर्तमान सल्लाहकार अशोक शाक्य पनि अाकांक्षीको रूपमा रहेको उनी निकटले बताए । तर पछिल्लो समय पार्टी कार्यक्रम र स्थानीय क्षेत्रमा देखिएको बाक्लो सहभागिताले नेतृ रीता खनालको आकंक्षा रहेको कार्यकर्ताहरुको अनुमान छ । ट्रेड युनियन अभियानमा लामो अभियानको अनुभवी खनाल गृहिणी शिक्षाको अभियान्ता समेत हुन् ।
नेकपा एमाले
जिल्लामा बलियो उपस्थिति रहेको नेकपा एमालेमा पनि मेयरका लागि रस्साकस्सी छ । विगतमा पूर्व मेयर डोरमणी पौडेलको नाम चर्चामा रहेको एमालेमा अहिले उनको नाम ओझेलमा परेको छ । एमालेमा पूर्व उपमेयर हरिबहादुर महतको नाम चर्चामा छ । ओली वा नेपाल कुनै पनि गुटमा नरहेका महतले आफु मेयरको आकांक्षी उम्मेदवार रहेको सार्वजनिक रुपमा भन्दै आएका छन् । शनिबार चौघडामा एमालेले गरेको वनभोज कार्यक्रममा कार्यकर्तामाझ उनले आफुलाई पार्टीले उम्मेदवार बनाए काम गर्ने बताउँदै यसकै लागि कसै कहाँ दौडधुप नगर्ने बताएको उनका एक शुभेच्छुकले प्रष्टखबरलाई बताए । तर पार्टी अध्यक्ष मुनु सिग्देलले पनि मयेर उम्मेदवारको रुपमा आकांक्षा राखेको पार्टी स्रोतको भनाई छ । उनले समेत यसबारे आन्तरिक रुपमा आफु निकटहरुबाट पार्टीमा माहोल बनाउने काम गरिरहेको जनाईएको छ । अन्य केही नेताले आकांक्षा गरेपनि एमालेमा महत वा सिग्देल मध्येबाटै मेयरको उम्मेदवार हुने करिव निश्चित रहेको स्रोतको दावि छ ।
नेकपा माओवादी केन्द्र
देशको तेस्रो पार्टी माओवादी केन्द्रमा अहिलेसम्म खुलेरै उम्मेदवारको रुपमा प्रस्तुत गर्ने भेटिएका छैनन् । उपमहानगरपालिकामा केन्द्रको तर्फबाट प्रतिनिधित्व गर्ने प्रकाश पाण्डे 'परलोक' मेयरको उम्मेदवार बन्न सक्ने एक नेताको भनाई छ । तर उनले भने अहिलेसम्म कतै यसबारे छलफल गरेका छैनन् । पत्रकार एवं पुराना नेता कौशल पाण्डेलाई उम्मेदवार बनाउनुपर्ने केहीको प्रस्ताव रहेको छ । केन्द्रमा सागर बानियाँ र बालकृष्ण चौलागाईंले समेत अाकांक्षा गरेको जनाइएको छ । तर पार्टीले औपचारिक छलफल नचलाएकाले कसैले पनि दावि नगरेको हुन सक्ने एक जिल्ला नेताको भनाई छ ।
राप्रपा
राप्रपामा मेयर बन्नेको नाम करिव निश्चित भएको जिल्ला तहका एक नेताको भनाई छ । राप्रपाबाट संविधानसभा निर्वाचनका प्रत्यासी दीपकबहादुर सिंह नै मेयरको उम्मेदवारको रुपमा प्रस्तुत हुने स्रोतको दावि छ । सिंह बाहेक अन्य दललाई टक्कर दिने उम्मेदवार नरहेको भन्दै उनलाई पार्टीबाट ग्रिन सिग्नल दिईसकेको उनी निकट एक नेताको भनाई छ । जिल्लामा कम भेटिने सिंह ग्रिन सिग्नल पाएसँगै वडाहरुमा हुने कार्यक्रममा बाक्लै उपस्थित हुन थालेका छन् । यसअघि चर्चामा रहेका नगर अध्यक्ष गुरुप्रसाद सापकोटालाई कसरी व्यवस्थापन गर्ने भन्नेमा पार्टीमा छलफल भईरहेको जनाईएको छ ।
नेकपा माले
नेकपा मालेमा पार्टी सचिव भीमसेन महत नै मेयरको उम्मेदवार बन्न सक्ने जनाईएको छ । हेटौँडा उपमहानगरपालिका र सुरुङमार्गमा भएको भ्रष्टाचारको विरोधमा खुलेर अभियान थालेका उनी युवापुस्तामा छाएका नेता मानिन्छन् । तर उनले पार्टीमा छलफल भईरहेको बताउँदै उपयुक्त समयमा उम्मेदवारको नाम सार्वजनिक गर्ने बताए ।
नयाँ शक्ति पार्टी
नेकपा माओवादी फुटेर बनेको नयाँ शक्ति पार्टीलाई जनमत जाँच्ने पहिलो अवसर स्थानीय तहको निर्वाचन भएकाले उसले जनतामाझ परिचित रहेका व्यक्तित्वलाई उम्मेदवारको रुपमा प्रस्तुत गर्ने तयारी गरिरहेको छ । नयाँ शक्ति निकट स्रोतका अनुसार हेटौँडाको मेयरको रुपमा नयाँ शक्तिले सामाजिक रुपमा नगरमा परिचित व्यक्तित्वको खोजि गरिरहेको छ । पार्टीको नेता भन्दा सामाजिक रुपमा जनतामाझ परिचित व्यक्तित्व आवश्यक रहेको पार्टीका एक नेताले प्रष्टखबरसँग प्रतिक्रिया दिए । नेताहरु राजेन्द्र सिम्खडा र राजन मैनालीको नाम चर्चामा छ । सिम्खडा लामो समयदेखि पार्टीभित्र सक्रिय छन् भने मैनाली व्यवसायिक पृष्ठभुमी र सामाजिक क्षेत्रमा सक्रिय छन् ।
चर्चामा रहेकाहरुमध्येबाटै उम्मेदवार बन्छन् वा बन्दैनन् त्यो भने पार्टीले निर्णय गर्नैपर्छ । उनीहरुले बैशाख १६ गते मनोनयन दर्ता गर्ने छन् र बैशाख ३१ गते मेयरका लागि मतदान हुनेछ । मतदाताले कसलाई भोट दिन्छन् त्यही दिन तय हुनेछ ।
१ जेठ, हेटौंडा । आगामी मनसुनमा देशका धेरै ठाउँमा सरदरभन्दा बढी पानी पर्ने पूर्वानुमान गरिएको छ । जल तथा मौसम...
१ जेठ, हेटौंडा । काँग्रेस संसदीय दलको बैठक आज बस्दै छ । बैठकमा आज सदनमा कसरी प्रस्तुत हुने भन्ने विषयमा छलफल हुने...
१ जेठ, हेटौंडा । बागमती प्रदेश सभाको आज दिउँसो ३ बजे बस्ने बैठकमा प्रदेश सरकारको आगामी आर्थिक वर्ष २०८१÷०८२ को...
१ जेठ, हेटौंडा । बलात्कार अभियोगमा दोषी ठहर भएका क्रिकेटर सन्दीप लामिछानेको मुद्धाको पेशी आजका लागि तोकिएको छ ।...
१ जेठ, हेटौंडा । सरकारले आगामी आर्थिक वर्ष २०८१/८२ को वार्षिक नीति तथा कार्यक्रम आज सार्वजनिक गर्ने भएको छ...
१ जेठ, हेटौंडा । हाल नेपालमा स्थानीय वायु, पश्चिमी वायु साथै भारतको बिहार आसपास बनेको न्यून चापीय प्रणालीको समेत...
सुनिल शिवाकोटी १ जेठ, हेटौंडा । बागमती प्रदेश सदस्य रमा आले मगर मन्त्री बनेको ४३ दिन भयो तर उनी अझै जिम्मेवारी...
३१ बैशाख,हेटौंडा । हेटौंडा-५ क्याम्पाडाँडामा अतिक्रमण गरेर बनाइएका संरचना सोमबार भत्काइने जानकारी दिएको ...
३१ बैशाख, काठमाडौं । उपेन्द्र यादव नेतृत्वको जसपा (जनता समाजवादी पार्टी) नेपालबाट फुटेर बनेको जसपाबाट सरकारमा...
२८ बैशाख, हेटौंडा । अश्लिल भिडियो सामाजिक सञ्जालमा हालेर श्रीमतीको चरित्रहत्या गरेको आरोपमा मकवानपुरका एक युवक...
१८ बैशाख, ललितपुर । ललितपुरको गोदावरी नगरपालिका–४ स्थिति तपेश्वर सामुदायिक वनमा लागेको डढेलो निभाउने क्रममा...
२२ बैशाख, हेटौंडा। मकवानपुरको थाहानगरमा लोडर पल्टिदा च्यापिएर हेल्परको ज्यान गएको छ। शनिबार दिउँसो थाहा ९...
२३ बैशाख, हेटौंडा। हेटौंडा उपमहानगरपालिकाको नियमित कामकाज आइतबार (आज) एक दिन बन्द रहने भएको...
१९ बैशाख, काठमाडौँ । साताको चौथो दिन बुधबार नेपाली बजारमा सुनचाँदीको मूल्य घटेको छ । बुधबार सुन तोला २ हजार ७ सय...
२९ बैशाख, हेटौंडा। मकवानपुरको हेटौंडामा भतिजाले आफ्नै काकीलाई कैची प्रहार गर्दा काकी गम्भीर घाइते भएकी...
१८ बैशाख, काठमाडौं । नेपाल प्रहरीले कतारबाट नेपाल आएका एक व्यक्तिलाई बन्धक बनाउने दुई जनालाई पक्राउ गरेको छ ।...
१९ बैशाख, हेटौंडा। नेपाल पत्रकार महासंघ मकवानपुरको १८ औ वार्षिक साधारणसभा र १२ औ अधिवेशन बुधबार सम्पन्न भएको...
२८ बैशाख, हेटौंडा । मकवानपुर प्रहरीले नक्कली नोटसहित ५ जनालाई पक्राउ गरेको छ । मकवानपुर प्रहरी प्रवक्ता लक्ष्मी...