कोईरालाको ७ औं पुण्य स्मृति दिवस मनाईयो

७ चैत, हेटौंडा । नेपाली काँग्रेस मकवानपुरले नेपालको लोकतान्त्रिक आन्दोलनका मूद्र्यन्य नेता, शान्ति प्रक्रियाका अग्रणी नेपाली काँग्रेसका पूर्व सभापति एवं पूर्व प्रधानमन्त्री स्व. गिरिजाप्रसाद कोईरालाको सोमबार ७ औं पुण्य स्मृति दिवस मनाईएको छ ।
नेपाली काँग्रेस मकवानपुरका कार्यबाहक सभापति विष्णुप्रसाद लामिछानेको सभापत्विमा भएको कार्यक्रममा लामिछानेले स्वर्गिय कोईरालाले मुलुकमा पुर्याएको योगदानको चर्चा गर्दै २ सय ३८ वर्षसम्मको केन्द्रीकृत सामन्ती राजसंस्थाको अन्त्य गरेर मुलुकमा संघिय लोकतान्त्रिक गणतन्त्र स्थापना गरेको बताए ।
सभापति लामिछानेले संघियता, धर्मनिरपेक्षता, समावेशी, समानुपातिक प्रणालीको सुरुवात संगसंगै ७० वर्षअघिदेखिको नेपाली जनताको चाहना स्वर्गिय कोईरालाको नेतृत्वमा जनआन्दोलन २०६२/०६३ ले प्राप्त गरेको बताए । 
कार्यक्रममा जिल्ला सचिव आनन्द कठायत, जिल्ला सदस्यहरु सूर्यबहादुर रुम्बा, मिरा स्याङतान, नगर सचिव कविन सांगामी, निवुवाटार गाविस सभापति सञ्जि श्रेष्ठ, काँकडा गाविस सभापति जयबहादुर तितुङ, हेटौंडा २ का वडा सभापति रामचन्द्र बानियाँ, हेटौंडा ३ नम्बरका वडा सभापति मंगल श्रेष्ठ, प्रेस युनियनका जिल्ला सहसचिव एवं पार्टीका सूचना प्रमूख सुजन विडारी, पार्टीका कार्यालय सचिव श्याम न्यौपाने, शुन्दर कार्की, गोपी लामालगायतले स्वर्गिय गिरिजाप्रसाद कोईरालाको योगदानको चर्चा गरे ।