फकाएर मृगौला बेच्ने गिरोह सक्रिय

८ चैत, हेटौँडा । नेपालमा पछिल्लो समय प्रलोभनमा पारी मृगौला बेचबिखन गर्ने गिरोह सक्रिय रहेको हेटौँडामा मंगलबार भएको कार्यक्रममा जानकारी दिइएको छ । त्यस्तो गिरोहको सञ्जाल देशभर फैलिएको भन्दै यसबाट बच्न सुझाव समेत दिईएको छ । 
मृगौला बेचबिखनबारे अध्ययन गरिरहेको जनअधिकार संरक्षण (पिपिआर) नेपालले गरको ‘नेपालमा मृगौला बेचबिखन’ विषयक संचारकर्मीसँगको अन्तरक्रियामा आप्mनो अध्ययनको निष्कर्ष सुनाउँदै आर्थिक लोभमा पारेर सोझासाझाको मृगौला बेचबिखनमा गिरोह सक्रिय रहेको बताए । कार्यक्रममा सतिश शर्माले काभ्रेमा गरेको अध्ययनबाट आर्थिक रुपमा विपन्न, शिक्षा र ज्ञानको अभाव रहेका व्यक्ति वा समुदायलाई आर्थिक प्रलोभनमा पारी मृगौला बेच्ने गरेको बताए । 
उनले त्यस्ता व्यक्तिलाई फकाएर भारतको चेन्नाई, चण्डीगढ, नयाँ दिल्ली लगायतका शहरमा पुर्याएर वा नेपालमै पनि मृगौला झिकेर अलपत्र बनाउने गरेको बताए । गिरोहले सबैभन्दा बढि काँकडभिट्टा र भैरहवाको बाटो प्रयोग गरेपनि बीरगंज र त्रिभुवन अन्तराष्ट्रिय विमानस्थल पनि प्रयोग गर्ने गरेको अध्ययनले देखाएको उनले बताए । दलालले देखाएको लोभमा परि मृगौला बेचेका अधिकांश पीडितले भनेजति रकम नपाउने र उनीहरुमा स्वास्थ्य समस्या आएको आप्mनो अध्ययनले देखाएको उनको जानकारी दिए । 
दलालको लोभमा परी मृगौला बेचिएका पीडित मकवानपुरमा पनि रहेको भन्दै यो काम गैरकानूनी रहेको भन्नेबारेमा सचेतना अभिबृद्धि गर्नु जरुरी रहेको अधिवक्ता समेत रहेका मुकुन्द अधिकारीले बताए । जथाभावी मृगौला प्रत्यारोपण गर्दा पीडितमा स्वास्थ्य समस्या आउनेबारे समेत धेरैलाई अनविज्ञता रहेको उनले बताए । ललाईफकाई मृगौला बेचबिखन आर्थिक र जेलसजाय समेत हुने बारेमा समेत जानकारी दिनु जरुरी रहेको बताए । मृगौला पुनः पलाउने जस्ता गलत कुरामा पीडितलाई विश्वस्त पार्ने काम गिरोहले गर्ने गरेको भन्दै यस्तो गलत कुरामा नपर्न उनले सुझाव दिए ।
अर्का अधिवक्ता ईश्वरी अधिकारीले मृगौला बेचबिखनमा संलग्न पिडक र मतियारलाई भएका कानूनी कारवाहीको बारेमा जानकारी दिएका थिए । उनले संचारमाध्यमले मृगौलाबारेमा रहेका भ्रम चिर्नका लागि महत्वपूर्ण भुमिका खेल्न सक्ने भएकाले अन्जानमा हुने मृगौलाको बेचबिखन रोक्न सहकार्यको आवश्यकता औल्याए । कार्यक्रममा मकवानपुरका छापा, विद्युतिय, अनलाईमा कार्यरत संचारकर्मीहरुको सहभागिता रहेको थियो ।