मकवानपुरमा २ चरणमा दादुरा–रुबेला खोप अभियान

सुनिल शिवाकोटी 
२८ फागुन, हेटौँडा । मकवानपुरमा २ चरणमा दादुरा–रुबेला खोप अभियान संचालन हुने भएको छ ।सरकारको आर्थीक बर्ष २०७६–७७ मा बहुबर्षीय खोप योजना अन्तर्गत मकवानपुरमा दादुरारुवेला खोप अभियान दुई चरणमा हुने जनाइएको छ ।
जिल्ला स्तरीया खोप समन्वय समितिको आयोजनामा बुधबार दादुरा–रुबेला खोप अभियान २०७६।७७ सम्बन्धी पत्रकारसंगको अन्तरक्रिया कार्यक्रममा यस बारेमा जानकारी गराइएको हो ।सन् २०२०मा बहु बर्षीय खोप योजना अन्तर्गत दादुरा खोप अभियानलाई तिव्र्रता दिन जिल्लाका १० वटा स्थानिय तहमा दुई चरणमा खोप अभियान संचालन गर्न लागिएको जिल्ला स्वास्थ्य कार्यालयका मकवानपुरका प्रमुख प्रणयकुमार उपाध्यायले पत्रकारसंगको अन्तरक्रिया कार्यक्रममा बताए ।

पहिलो चरण अन्तर्गत ५ वटा स्थानीय तहमा खोप अभियान संचालन हुने जनाइएको छ ।जसमा  चैत्र १२ गते देखि ११ गते सम्म बकैया गाउँपालिकाको सबै वडा ,चैत १ गतेबाट ६ गतेसम्म  राक्सिराङ गाउँपालिकाको सबै वडा ,चैत १ गतेबाट ११ गतेसम्म कैलाश गाउँपालिकाको सबै वडा त्यसैगरी चैत १ गतेबाट ९ गतेसम्म  बागमती गाउँपालिकाको सबै वडा, चैत १ गतेबाट ८ गतेसम्म  मनहरी गाउँपालिकाको सबै वडामा खोप अभियान संचालन हुने प्रमुख उपाध्यायले बताए ।
त्यसैगरी  दोस्रो चरणमा ५ वटा स्थानीय तहमा खोप अभियान संचालन हुने,जसमा चैत्र १० गतेबाट १८ गते सम्म भीमफेदी गाउँपालिका , चैत्र १५ गतेबाट २३ गते सम्म,इन्द्रसरोवर गाउँपालिका, चैत्र १७ गतेबाट २३ गते सम्म मकवानपुरगढी गाउँपालिका, चैत्र १५ गतेबाट २३ गते सम्म थाहानगरपालिका र चैत ११ गतेबाट १९ गते सम्म हेटौंडा उपमहानगरपालिकामा  खोप अभियान सञ्चालन हुने अन्तरक्रिाया कार्यक्रममा जनाइएको छ ।उक्त अभियानमा ४३ हजार ३ सय३ बालबालिकालाई दादुरा रुवेलाको खोप लागाईने जसमा ९ देखि २४ महिनाको बालबालिकाको संख्या १२ हजार ९८ ,२४ देखि ५९ महिनाको बालबालिकाको संख्या ३१ हजार २सय५ रहेको जनाइएको छ । 
जस अभियानका लागि जिल्लाको ५ सय ४१ स्थानमा रहेको खोपकेन्द्रबाट खोप लगाउन सकिने र जस कार्यका लागि एक हजार १ सय ७८ जना खोप कार्यकर्ता खटाइने उपाध्यायले जानकारी दिएका छन ।जिल्ला स्तरीय खोप समन्वय समिति मकवानपुरका संयोजक तथा जिल्ला समन्वय समिति प्रमुख रघुनाथ खुलालको सभाध्यक्षतामा भएको अन्तरक्रिया कार्यक्रममा  जिल्ला समन्वय समिति उपप्रमुख भगवती पुडासैनी,प्रमुख जिल्ला अधिकारी नारायण प्रसाद भट्ट ,बागमती प्रदेश पत्रकार महासंघका अध्यक्ष प्रताप विष्ट, पत्रकार महासंघ मकवानपुर अध्यक्ष हरि हुमागाई लगायत सञ्चारकर्मीहरुको उपस्थिती रहेको थियो ।