मकवानपुरका १० स्थानमा कोरोना सम्बन्धि हेल्प डेस्क

१चैत,हेटौंडा।विश्वव्यापी रूपमा फैलिरहेको नोबेल कोरोना भाइरसबाट जोगिन र त्यसको सावधानीका लागि मकवानपुरमा पनि हेल्पडेस्कको स्थापना गरिएको छ।जिल्ला प्रहरी मकवानपुर प्रहरीको अग्रसरतामा र स्थानीय निकाय,वडा कार्यालयको समन्वयमा  जिल्लाका १० स्थानमा शनिबारबाट कोरोना भाईरस सम्बन्धी हेल्प डेस्क स्थापना गरिएको मकवानपुर प्रहरी प्रमुख प्रहरी उपरीक्षक सुशिल सिंह राठौरले प्रष्ट खबरलाई बताएका छन्।

ईलाका प्रहरी कार्यालय पशुपति नगरको समन्व्यमा हेटौंडा–८ र ९ मा,इलाका प्रहरी कार्यालय मनहरीको समन्वयमा मनहरी बजारमा, ईलाका प्रहरी कार्यालय पालुङको समन्व्यमा पालुङ्मा,र चित्लाङ  ईलाका प्रहरी कार्यालय फापरबारीको समन्वयमा फापरबारी बजार , ईलाका प्रहरी कार्यालय ठिङ्गनको समन्व्यमा ठिङ्गन बजार  र ईलाका प्रहरी कार्यालय पदमपोखरीको समन्वयमा पदमपोखरी बजारमा हेटौंडा १० बसपार्कको समन्वयमा हेटौंडा१० को बसपार्क, इलाका प्रहरी कार्यालय भिमफेदी बजारमा गरी १० स्थानमा   हेल्प डेस्क स्थापना गरिएको प्रहरी उपरीक्षक राठौरले बताए।हेल्प डेस्क अहिले वडा कार्यालय, प्रहरी कार्यालयमा स्थापना गरिएको उनले बताए। यता हेटौंडा नगरमा भने वडा  प्रहरी कार्यालयको समन्वयमा  माइकिङ सहितको प्रचार प्रसार अभियानलाई तिब्रता दिएको वडा प्रहरी कार्यालय हेटौडाका प्रहरी निरीक्षक ईश्वरी प्रसाद भण्डारीले बताएका छन्।