माअोवादी केन्द्रको हर्नामाडिमा वडा भेला

११ चैत, हेटौंडा । नेकपा माओवादी केन्द्र हेटौंडा–१८ हर्नामाडी गुम्वाडाँडामा शुक्रबार वडा भेला सम्पन्न भएको छ ।

हर्नामाडी संयुक्त वडा इन्चार्ज राजु तिमल्सिनाको अध्यक्षतामा भएको भेलामा पार्टी पोलिट्व्यूरो सदस्य तथा जिल्ला संयोजक प्रेमबहादुर पुलामी ‘छिन्तु’ को प्रमुख आतिथ्यता रहेको थियो । शुक्रबार भएको भेलाले अध्यक्षमा पुनः तिमल्सिनाको अध्यक्षतामा २१ सदस्यीय वडा कमिटी चयन भएको छ । जसको उपाध्यक्ष भोला थापा, रिता निरौला सचिव रामकृष्ण बानियाँ सहसचिव जनार्दन कुइकेल कोषाध्यक्ष मञ्जु पण्डित रहेको पार्टी प्रचार विभाग प्रमुख कमान सिं पाख्रिन ‘पृथक’ ले जानकारी दिए ।

अरुण खतिवडा संयोजक रहने गरी ७ सदस्यीय वडा सल्लाहकार समिति चयन भएको  छ ।  कार्यक्रममा
राप्रपाका सिताराम भण्डारी, काँग्रेसका सिता थिङ, इन्दीरा स्याङतान पार्टी परित्याग गरी माओवादीमा प्रवेश गरेको पुलामीले जानकारी दिए ।

त्यसैगरी सुशीला रुम्वा संयोजक रहने गरी १७ सदस्यीय अखिल क्रान्तिकारी महिला संघको वडा कमिटी गठन गरीएको छ भने रामशरण विक संयोजक रहने गरी १३ सदस्यीय नेपाल दलित मुक्ति मोर्चा वडा कमिटी चयन भएको छ ।

कार्यक्रममा हेटौंडा उपमहानगरपालिका इन्चार्ज बलराम बल, केन्द्रीय आयोजक समिति सदस्य ललित घलान, विवेक राइ, जंगबहादुर विक, नेता कमलचन्द्र सुमन, वाइसियल जिल्ला प्रथम उपाध्यक्ष शंकर राउत, प्रध्यापक संघका अध्यक्ष ऋषिराम पोखरेललगायतको सहभागिता रहेको थियो ।