एमालेसँग मात्र विकासको ‘भिजन’ छ : पाण्डे

१२ चैत, हेटौंडा । नेकपा एमालेका पोलिटब्युरो सदस्य राजेन्द्र पाण्डेले एमालेसँग मात्र विकासको भिजन भएको बताएका छन् । 

एमालेले सरकारको नेतृत्व गर्न पाउँदा देशमा विकासको लहरहरु आएको बताउँदै पूर्व स्थानीय विकास मन्त्री समेत रहेका पाण्डेले अवको स्थानीय निर्वाचनमा पनि एमालेलाई विजयी गराउन अाग्रह गरे ।  

नेकपा एमाले मकवानपुर क्षेत्र नंबर १ को आयोजनामा बागमती गाउँपालिकाको फापरबारीमा आयोजना भएको जनसभामा बोल्दै प्रमुख अतिथि समेत रहेका पाण्डेले एमालेको अडानको कारण मात्र देश निर्वाचनमय भएको बताए ।

कार्यक्रममा बोल्दै एमाले केन्द्रीय सदस्य बिरोध खतिवडाले देशैभर देखिएको एमालेको जनलहरबाट अब जनताहरु विकासँग नजिक हुन खोजेको आभाष भएको बताए ।

एमाले क्षेत्र नं १ का अध्यक्ष नारायण तिमल्सीनाको अध्यक्षतामा भएको कार्यक्रमामा एमालेका प्रदेश नंबर ३ का सदस्य कृष्णप्रसाद दाहाल, जिल्ला अध्यक्ष मुनु सिग्देल, क्षेत्र नं १ इन्चार्ज कमल विष्ट, युवा संघका केन्द्रीय कोषाध्यक्ष हिदम लामा लगाएतले मन्तब्य ब्यक्त गरेका थिए ।

कार्यक्रममा नेपाली कांग्रेस निकट तरुण दलका वालकुमार तिमल्सीना, नेपाली कांग्रेसका पुर्व गाउँ सहसचिव नवराज गौतम, माओवादी केन्द्रका जिल्ला
सदस्य राजकुमार वाईवा, राप्रपाका टंकबहादुर स्यांंतान, ८ सय ५३ जना एमालेमा प्रवेश गरेका थिए ।