एकै दिन १९ टिपर मकवानपुर ट्राफिकको कारवाहीमा 

५चैत,हेटौँडा।विगत केही दिनदेखि जिल्लाको विभिन्न स्थानमा क्षमता भन्दा बढी ढुंगा बोकेर हुइकिने टिपर आंतङलाई मध्यनजर गर्दै मकवानपुर ट्राफिकले चेकजाच र कारवाही अभियान सुरु गरेको छ।
यसै क्रममा मंगलबार क्षमता भन्दा बढी ढुंगा बोकेको १९ वटा टिपरलाई कारवाही गरेको मकवानपुर ट्राफिक प्रहरी प्रमुख प्रहरी निरीक्षक हरि बिष्णु ढकालले बताएका छन्।
शिवम् सिमेन्ट उद्योगको ढुंगा बोकेर आउने टिपरलाइ मध्यनजर गर्दै हेटौंडा १७ सालकपार्क,चौकिटोल, र नवलपुरमा पनि दैनिक चेकजाँच गर्ने गरेको र  क्षमता भन्दा बढी ढुंगा बोकेको पाइएमा कारबाही गरि पठाउने गरेको ट्राफिक  प्रहरी प्रमुख ढकालले बताएका छन्।विगत केही दिनदेखि जिल्लाको विभिन्न स्थानमा देखिएको टिपर आतङ्कलाई न्युनिकरणक लागि हामीसग भएको जनशक्तिलाई परिचालन गरी दैनिक चेकजाँच गर्ने र क्षमता भन्दा बढी ढुंगा बोकेने टिपरलेलाई कारवाही गर्ने अभियानमा लागेको ढकालले बताएका छन्।हेटौंडामा रहेका ३ वटा सिमेन्ट उद्योगका लागि ढुंगा बोकेर दैनिक २ सय भन्दा बढी टिपर हेटौँडा बजारमा गुडने गरेका छन्। ट्राफिक  प्रहरीले यस अभियानले निरन्तरता पाउन सके हेटौँडामा टिपर आताङ्का कमी आउने पक्का देखिन्छ ।