कोरोना कहरः विश्वभर २१ हजार २०० को मृत्यु

१३ चैत्र, हेटौंडा । विश्वमा महारामारीको रुपमा तीब्र गतिमा फैलिरहेको कोभिड–१९ को संक्रमणबाट मृत्यु तिब्रगतिमा बढेको छ । 
पछिल्लो २४ घण्टामा कोरोना संक्रमणबाट विश्वभर २३०५ जनाको मृत्यु भएको छ  भने ४६ हजरा २८१ जना नयाँ संक्रमित भएका छन् ।
विश्वभर ४ लाख ६८ हजार ९०५ संक्रमित भएकामा २१ हजार २०० जनाको मृत्यु भइसकेको छ । १ लाख ११ हजार २ सय १८ जना उपचारपछि घर फर्किएका छन् । 
चीनबाट सुरू भएको कोरोनाको संक्रमणबाट अहिले संक्रमित र मर्नेको संख्या चिनमा भन्दा युरोपमा बढी भएको छ ।
सबैभन्दा धेरै मानिसको मृत्यु इटालीमा भएको छ । थप ६ सय ८३ जनाको मृत्यु भएपछि त्यहाँ कोरोनाका कारण मृत्यु हुनेको संख्या ७ हजार ५ सय ३ पुगेको छ ।
इटालीमा दैनिक मृत्युदर निकै डरलाग्दो अवस्थामा छ । हाल ७४ हजार ३ सय ८६ जना सङक्रमित रहेको इटालीमा ९ हजार ३ सय ६२ जना उपचारपछि घर फर्किएका छन् ।
स्पेनमा पनि मृत्यु हुनेको संख्या बढिरहेको छ । त्यहां थप ६ सय ५६ जनाको मृत्यु भएपछि मृतकको संख्या ३ हजार ६ सय ४७ पुगेको छ । ५ हजार बढी उपचार पछि निको भएका छन् । 
यस्तै अमेरिकामा कोरोनाको संक्रमण दर ह्वात्तै बढेको छ । पछिल्लो चौविस घण्टामा अमेरिकामा ११ हजार १४२ जनामा संक्रमण भएको छ भने मृत्यु हुनेको संख्या ९४३ पुगेको छ । 
यसैगरी जर्मनीमा पनी संक्रमित र मर्नेको संख्या पछिल्लो समयमा निकै बढेको तथ्यांकले देखाएको छ । पछिल्लो २४ घण्टाको अवधिमा जर्मनीमा ४ हजार ३ सय ३२ जना नयाँ संक्रमित थपिएका छन भने मृत्यु हुनेको संख्या २०६ पुगेको छ । 
यता मध्यपूर्वका राष्ट्रहरुमध्ये इरानमा कोरोना भाइरसको संक्रमण सबैभन्दा डरलाग्दो अवस्थामा छ । त्यहाँ कोरोनाकै कारण २ हजार २०६ जनाको मृत्यु भएको छ भने  २७ हजार १७ जना संक्रमित छन् ।
जर्मनीमा २ सय ६ जनाको मृत्यु भएको छ भने ३७ हजार ३ सय २३ जना संक्रमित छन् । फ्रान्समा १ सय ३ सय ३१ जनाको मृत्यु भएको छ । २५ हजार २ सय ३३ जना संक्रमित छन् ।
दक्षिण कोरियामा कोरोनाका कारण १ सय २६ जनाको मृत्यु भएको छ भने ९ हजार १ सय ३७ जना संक्रमित छन् ।
यस्तै बेलायतमा कोरोनाका कारण ४ सय ६५ जनाको मृत्यु र संक्रमितको संख्या ९ हजार ५ सय २९ पुगेको छ । 
कोरोना भाइरसको संक्रमणबाट अहिलेसम्म १९८ राष्ट्र प्रभावित भएका छन् ।