कोरोना कहरः विश्वभर मृत्यु हुनेको संख्या ५३ हजार नाघ्यो

२१ चैत्र, हेटौंडा । विश्वभर महारामारीको रुपमा फैलिरहेको कोरोना भाइरस कोभिड–१९ का कारण मृत्यु हुनेको संख्या ५३ हजार नाघेको छ ।
यो समाचार तयार पार्दासम्म कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिले सम्म ज्यान गुमाउनेको संख्या ५३ हजार १ सय ९८ पुगेको हो ।
१० लाख १५ हजरा ५ सय ३१ जनामा भाइरस संक्रमणको पुष्टि भएको छ । संक्रमितहरु ठूलो संख्यामा उपचारपछि निको पनि भएका छन् ।
पछिल्लो तथ्यांक अनुसार २ लाख १२ हजार ३ सय ९३ जना उपचारपछि निको भएका छन् भने भाइरसका कारण अहिले ३७ हजार ६ सय ४६ जना गम्भीर अवस्थामा उपचार गराइरहेका छन् । 
७ लाख १२ हजार २ सय ९४ जनाको अवस्था मध्यम रहेको छ । २ लाख ६५ हजार ४ सय १९ जनाको अवस्था सुधारोन्मुख छ । 
कोरोनाको चर्को महामारी खेपिरहेको इटलीमा अहिलेसम्म १३ हजार ९ सय १५ जनाले ज्यान गुमाएका छन् । यो संख्या विश्वकै सबैभन्दा बढी हो ।  
यसैगरी कोरोनासंग जुधिरहेको अर्को यूरोपेली मुलुक स्पेनमा ज्यान गुमाउनेको संख्या १० हजार ३ सय ४८ पुगेको छ । 
यता पछिल्लो समय कोरोना भाइरसको इपिसेन्टर बनिरहेको अमेरिकामा अहिलेसम्म ६ हजरा ७५ जनाले जयान गुमाएका छनु । यहाँ संक्रमितको संख्या विश्वको सबैभन्दा बढी २ लाख ४५ हजार ६६ पुगेको छ ।
यस्तै फ्रान्समा ५ हजार ३ सय ८७, इरानमा ३ हजार १ सय ६०, बेलायतमा २ हजार ९ सय २१ र स्विटजरल्याण्डमा ५ सय ३६ जनाले ज्यान गुमाएका छन् ।
कोरोना भाइरसको उदगमस्थन चीनमा भने ज्यान गुमाउनेको संख्या स्थिर जस्तै भएको छ । पछिल्ला केही दिन यता चीनमा ज्यान गुमाउनेको संख्या निक्कै घटेको छ । यहाँ अहिलेसम्म ३ हजार ३ सय १८ जनाले ज्यान गुमाएका छन् ।