युवा व्यवसायी भेटवालले गरे राक्सिराङ गाउँपालिकालाई दुई लाख सहयोग

२१ चैत, हेटौंडा । कोरोना संक्रमणका कारण भोकमारीको चपटेमा परेको राक्सिाराङ गाउँपालिकालाई मकवानपुरका एक युवा व्यवसायीले  नगद सहयोग गरेका छन्।

आरवी आरवान विल्डर्स एण्ड सप्लायर्स प्रालि हेटौंडा–५ का सञ्चालक तथा हेटौंडा १९ निवासि युवा व्यवसायी राजेश भेटावलले गाउँपालिकाले स्थापना गरेको विपद् व्यवस्थापन कोषमा दुईलाख रुपैयाँ सहयोग उपलब्ध गराएका हुन।

‘गाउँपालिकामा अति सीमान्तकृत चेपाङ जातिको बाहुल्य रहेको छ । त्यसकारण भोकमारी फैलिएको खबर पाएपछि हामीले सामाजिक दायित्व निर्वाह गरेका हौं ।’, युवा व्यवसायी भेटवालले प्रष्ट खबरलाई बताए।उनले गाउँपालिकाले गरेको अपिल अनुसार सहयोग उपलब्ध गराइएको बताए । 

यता गाउँपालिका अध्यक्ष राजुकुमार मल्ले लकडाउनका अवधि बढ्दा गाउँमा भोकमारीको अवस्था सिर्जना हुने देखिएपछि  सहयोगि हातहरु संग सहयोगको अपिल गरेको बताए। ११ दिनसम्म आइपुग्दा दैनिक ज्यालामजदुरी गरेर खाने परिवारमा खाद्य संकट देखा परिसकोमा भेटवालको सहयोगले रातहमा सहयोग पुग्ने भन्दै आरवी आरवान विल्डर्स एण्ड सप्लायर्स प्रालिलाई धन्यवाद व्यक्त गरेका छन्।

गाँउपालिकामा करिब १५ सय घरधुरी ज्यालामजदुरी गरेर दैनिक गुजारा गर्दै आइरहेका छन्।