हेटौंडा–६ मा लायन्स र रोहनि हाउजिङबाट १०० परिवारलाई राहत वितरण

२१ चैत, हेटौंडा । हेटौंडा वडा नम्बर ६ मा शुक्रबार लायन्स क्लव अफ हेटौंडा मुक्तिनाथ र रोहनि हाउजिङ  तथा स्वस्तिक डेब्लोपर प्रा लि को सहयोगमा एक सय परिवारलाई राहत वितरण गरिएको छ । 
रोहिणी हाउजिङ तथा स्वस्तिक डेब्लोपर प्रा लि बाट ७० परिवार र लायन्स क्लवबाट ३० परिवारका लागि राहत वितरण गरिएको छ । दाताहरुबाट प्राप्त सहयोग रामनगर, कल्याणटार, कुमल्टार र बारुतेमा वितरण गरिएको वडा अध्यक्ष अर्जुनप्रसाद चौलागाईले बताए। 
राहत हस्तान्तरण कार्यक्रममा वडा अध्यक्ष चौलागाई, वडा सदस्यहरु राजकुमार बास्तोला, रामहरी राई, शुभद्रा तिमल्सिना, रोहनि हाउजिङ तथा स्वस्तिक डेब्लोपर प्रा लिका संचालकहरु ध्रुव घिमिरे, पवन तिमल्सिना, कमलराज मैनाली,सम्भु पुडासैनी, पुरुसोत्तम बानिया,लायन्स क्लव अफ हेटौंडा मुक्तिनाथका अध्यक्ष रोशन सापकोटा, सदस्य विजय पौडेल, टोल विकास नगर समन्वय समितिका सचिवालय सदस्य विष्णुप्रसाद ढुंगाना, टोल विकास ६ नम्बर वडा समन्वय समितिका अध्यक्ष केशव धिताल, रक्षादेवी टोल विकास संस्थाका कोषाध्यक्ष राजकुमार फुँयाल, कामधेनु बहुद्देश्यीय सहकारी संस्थाका अध्यक्ष गौरबकुमार पराजुली, संचारकर्मी भीमसेन पौडेल, युवा समाजसेवी जनकराज शर्मा लगायतको सहभागिता रहेको थियो । सहयोग सामग्री ढुवानीका लागि भूपु प्रहरी दुर्गाप्रसाद घिमिरेले आफ्नो गाडि सहयोग गरेका थिए । उनले कोरोना विरुद्धको अभियानका लागि हेटौंडा ६ नम्बर वडा कार्यालयलाई आफ्नो गाडि निःशुल्क उपलव्ध गराउने बताए । रोहणी हाउजिङको तर्फबाट अध्यक्ष धु्रव घिमिरे, कमलराज मैनाली, शम्भु पुडासैनी, पुरुषोतम बानियाँ र पवन तिमल्सिनाले ७० परिवारलाई सहयोग उपलव्ध गराएको वडा सदस्य बास्तोलाले बताए ।

हेटौंडा वडा नम्बर ६ का अध्यक्ष अर्जुनप्रसाद चौलागाई र वडा सदस्य राजकुमार बास्तोलाको व्यक्तिगत खर्च र दाताहरुको सहयोगमा वडाभरीका ३ सय १६ परिवारलाई राहत वितरण गरिएको छ । दैनिक ज्यालादारी गरेर गुजारा गर्ने र विपन्न परिवारलाई लकडाउनको समयमा दुई छाक टार्न समस्या नहोस् भन्ने उद्धेश्यले राहत वितरण गरेको बताउँदै अध्यक्ष चौलागाईले सहयोग गर्ने दाता र वितरणमा सहयोग पुर्याउने महानुभावहरुलाई धन्यवाद दिएका छन् । उनले आगामी दिनमा पनि सहयोगको लागि आग्रह गरेका छन् ।