अमेरिकामा कोरोना संक्रमण नियन्त्रण भन्दा बाहिर 

२५ चैत्र, हेटौंडा । विश्वव्यापी बनिरहेको कोरोना भाइरस अर्थात कोभिड १९ ले पछिल्लो समय अमेरिकालाई आफनो इपिसेन्टर बनाइरहेको छ । 
अमेरिकामा दिन प्रतिदिन ठूलो संख्यामा संक्रमित र मृतक बढीरहेका छन् । कोभिड १९ को तथ्याङक प्रस्तुत गरिरहेको वल्डोभिटर वेबसाइटका अनुसार अहिलेसम्म अमेरिकामा १० हजार ८ सय ७१ जनाको ज्यान गईसेको छ भने संक्रमितको संख्या ३ लाख ६७ हजार ४ पुगेको छ । यस्तै १ लाख ९ हजार ६ सय ७१ जना स्वस्थ्य भएका छन् । 
पछिल्लो समय ३० हजार ३ सय ३१ नयाँ संक्रमित थपिएपछि अमेरिकामा कुल संक्रमितको संख्या ३ लाख ६७ हजार नाघेको हो । जुन अहिलेसम्मको सबैभन्दा धेरै हो । 
यसैगरी अमेरिकामा पछिल्लो समय एकैदिनमा मर्नेको संख्यापनि बढेको छ । यहाँ वल्डोमिटर वेबसाईटका अनुसार अमेरिकामा १ हजार २ सय ५५ जना मृतक थपिएका छन् । 
अमेरिकाका पचास वटै राज्यमा कोरोना संक्रमण फैलिएकोमा न्युयोर्क राज्य सबैभन्दा बढी प्रभावित भएको छ । यहाँ अहिलेसम्म १ ला ३१ हजार ९ सय १६ जना संक्रमित भएका छन भने ४ हजार ७ सय ५८ जनाको ज्यान गएको छ । न्युयोर्कमा पछिल्लो समय ५ सय ९९ जना थप मानिसहरुको ज्यान गएको छ । 
यसैगरी अमेरिकाको दोस्रो प्रभावित राज्यमा न्यूजर्सी रहेको छ । १ हजार ३ जनाले ज्यान गुमाएका छन् भने अहिलेसम्म ४१ हजार ९० जना संक्रमित छन् ।
यस्तै अमेरिकाको अन्य राज्यहरु मिचिगन, क्यालिफोर्निया, मासाचुसेट्स, पेन्सिलभानिया, फ्लोरिडा, इलिनोइस लगाएतमा १० हजार भन्दा बढी संक्रतिहरु रहेका छन् ।