थप नयाँ संक्रमित भेटिएको छैनः स्वास्थ्य मन्त्रालय 

File Photo

२५ चैत्र, हेटौंडा । गत शनिबार एकैदिन तीन जना कोभिड १९ को संक्रमित भेटीएपछि आज मंगलबारसम्म कुनैपनि संक्रमित फेला नपरेको स्वास्थ्य तथा जनसंख्या मान्त्रालयले जनाएको छ ।
मन्त्रालयले आयोजना गरेको नियमित पत्रकार सम्मेलनमा मन्त्रालयका प्रवक्ता डा. विकास देवकोटाले नयाँ संक्रमित फेला नपरेको बताएका हुन् ।
अहिलेसम्म कुल १ हजार ७ सय ९६ जनाको कोरोना संक्रमणको शंका लागेकाको स्वाब परिक्षण गरेको जानकारी गराउँदै प्रवक्ता देवकोटाले जसमध्ये ९ जनामा कोरोना भाइरस संक्रमण फेला परेको र एक जना उपचार पछि घर फर्किसकेको बताए ।
प्रवक्ता देवकोटाले उपचाररत ८ जनाको स्वास्थ्य अवस्था समान्य रहेको बताए । उनले संक्रमितको सम्पर्कमा आएका व्यक्तिहरुको कन्ट्याक्ट ट्रेसिङ ९० प्रतिशत सम्पन्न भएको पनि जानकारी गराए । 
यसैगरी संक्रमणको जोखिम उच्च भएका जिल्लाहरु कैलाली, कञ्चनपुरमा ¥यापीड डायगोनिस्टिक टेस्ट मार्फत परीक्षण शुरु गरिएको समेत जानकारी दिए । जुम्ला र अछाममा पनि परीक्षणका लागि स्वाब लिने काम भइराखेको प्रवक्ता देबकोटाको भनाई छ ।
काठमाडौं उपत्यका भित्र १६ जना र काठमाडौं बाहिर ८४ जना आइसोलेसनमा रहेको र क्वारेन्टाइनमा ९ हजार २ सय २८ जना रहेको प्रवक्ता देवकोटाले जानकारी दिए ।