माओवादी केन्द्रको नामटार र बकैयामा प्रशिक्षण

२५ चैत, हेटौँडा । नेकपा माओवादी केन्द्र भिमफेदी गाउँपालिका ९ नामटारस्थित बासुकीमा प्रशिक्षण कार्यक्रम सम्पन्न भएको छ । प्रशिक्षणसँगै दिपक गोलेको संयोजकत्वमा एकसय ५१ सदस्यीय निर्वाचन प्रचार प्रसार समिति गठन गरिएको छ ।

स्थानीय निर्वाचनमा माओवादी केन्द्रलाई बिजयी गराउन आवश्यक रणनिती बनाउँदै अभियान सञ्चालन गर्न प्रशिक्षण कार्यक्रम आयोजना गरिएको माओवादी केन्द्र मकवानपुरका सञ्चार बिभाग प्रमुख कमान सिं पाख्रिनले बताए ।

प्रचार प्रसार संयोजक दिपक गोलेको अध्यक्षतामा भएको कार्यक्रममा पोलिटब्युरो सदस्य एवं मकवानपुर इन्चार्ज कुमारी मोक्तान, गाउँपालिका इन्चार्ज प्रमिला लामा,नेताहरु बिज्ञान लामा, अप्सरा लामा, मानबहादुर लामा, रञ्जित राना, श्याम बर्तौला, सरोज पाख्रिन लगायतको आतिथ्यता रहेको थियो ।

यसैगरी, नेकपा माओवादी केन्द्रले बकैया गाउँपालिकामा स्थानीय तह निर्वाचन लक्षित गर्दै प्रशिक्षण कार्यक्रम आयोजना गरेको छ । गाउँपालिका इन्चार्ज लक्ष्मी पाख्रिनको अध्यक्षतामा भएको प्रशिक्षणमा जिल्ला संयोजक प्रेम बहादुर पुलामीको प्रमुख आतिथ्यता रहको थियो ।

कार्यक्रममा इन्चार्ज पाख्रिनको संयोजकत्वमा एक हजार तीनसय १५ सदस्यीय निर्वाचन परिचालन कमिटि गठन गरिएको छ । 

यसैगरि, मकवानपुरगढी गाउँपालिकामा प्रशिक्षण तथा बैठक भएको छ । गाउँपालिका इन्चार्ज मानकुमारी नेपालीको अध्यक्षतामा भएको प्रशिक्षणमा पार्टी केन्द्रीय महाधिवेशन आयोजक समिति सदस्य भिम पाख्रिनको प्रमुख आतिथ्यता रहेको थियो ।

बैठकले कृष्ण घिमिरेको संयोजकत्वमा एक हजार ९९ सदस्यीय निर्वाचन जनपरिचालन कमिटि गठन गरिएको माओवदी केन्द्र सञ्चार बिभागले जनाएको छ ।