कोरोना कहरः पछिल्लो २४ घण्टामा ६ हजार बढीको मृत्यु 

२७ चैत्र, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) को संक्रमणबाट पछिल्लो २४ घण्टामा विश्वभर ८८ हजार हजार ४ सय २० जनाको मृत्यु भएको छ ।  
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार एकैदिन थप ६ हजार ३ सय ९७ जनाको मृत्यु भएपछि ज्यान गुमाउनेको संख्या ८८ हजार ४ सय २० पुगेको हो ।
अहिलेसम्म कोरोनाको संक्रमणले विश्वभर १५ लाख १३ हजार ९ सय ३५ जना मानिसलाई प्रभावित पारेको छ । नयाँ संक्रमितहरुको संख्या एकैदिन ८२ हजार ९ सय ९८ थपिएको हो । 
संक्रमितहरु मध्ये ठूलो संख्यामा उपचारपछि निको पनि भएका छन् । पछिल्लो तथ्यांक अनुसार ३ लाख २९ हजार ७ सय ३१ जना उपचारपछि निको भएका छन् ।
यस्तै भाइरसका संक्रमणका कारण अहिले ४८ हजार ७८ जना गम्भीर अवस्थामा उपचार गराइरहेका छन् भने १० लाख ४७ हजार ४ सय ११ जनाको अवस्था मध्यम रहेको छ । 
कोरोनाको संक्रमणबाट सबैभन्दा बढी मानिसको मृत्यु इटालीमा भएको छ । इटलीमा अहिलेसम्म १७ हजार ६ सय ६९ जनाले ज्यान गुमाएका छन् । यो संख्या विश्वकै सबैभन्दा बढी हो । 
इटालीमा पछिल्लो समय ५ सय ४२ जना मृतक थपिएका छन् भने  ३ हजार ८ सय ३६ जना नयाँ संक्रमित थपिएका छन् । 
यसैगरी कोरोनासंग जुधिरहेको अर्को यूरोपेली मुलुक स्पेनमा ज्यान गुमाउनेको संख्या १४ हजार ७ सय ९२ पुगेको छ । स्पेनमा ७ सय ४७ जना थप मानिको मृत्यु भएको छ भने ६ हजार २ सय ७८ जना नयाँ संक्रमित थपिएका छन् ।
यता पछिल्लो समय कोरोना भाइरसको इपिसेन्टर बनिरहेको अमेरिकामा थप १ हजार ९ सय २५ जनाको मृत्यु भएपछि यहाँ ज्यान गुमाउँनेको संख्या १४ हजार ७ सय ६६ पुगेका छ । 
विश्वको सबैभन्दा बढी संक्रमित रहेको अमेरिकामा एकैदिन ३० हजार ५ सय ६७ जना नयाँ संक्रमित थपिएपछि यहाँ ४ लाख ३० सय ९ सय २ जना संक्रमित पुगेको छ । 
यसैगरी लगातार मृतक र नयाँ संक्रमित बढिरहेको फ्रान्समा एकैदिन ५ सय १७ जनाले गुमाएपछि यहाँ मर्नेको संख्या १० हजार ८ सय ६९ पुगेको छ । यहाँ संक्रमितको संख्या एक लाख कटेको छ । फ्रान्समा पछिल्लो २४ घण्टामा ३ हजार ८ सय ८१ जना नयाँ संक्रमित थपिएसँगै कुल संक्रमितको संख्या १ ला १२ हजार ९ सय ५० पुगेकोे छ ।
यसैगरी कोरोना भाइरसको संक्रमणबाट बेलायतमा ७ हजार ९७ जनाको मृत्यु भएको छ । यहाँ पनि पछिल्लो समयमा मृतकको संख्यामा बृद्धि भइरहेको छ । बेलायतमा एकैदिन थप ९ सय ३८ जनाको मृत्यु भएको छ । 
यसैगरी मध्यपूर्वी एसियाली मुलुक इरानमा ३ हजार ९ सय ९३, जर्मनी २ हजार १६, नेदरल्याण्डसमा २ हजार ३ सय ४९, बेल्जियममा २ हजा २ सय ४० जनाले ज्यान गुमाएका छन् ।
कोरोना भाइरसको उदगमस्थन चीनमा भने नयाँ संक्रमित र ज्यान गुमाउनेको संख्या स्थिर बनेको छ । यहाँ अहिलेसम्म ३ हजार ३ सय ३३ जनाले ज्यान गुमाएका छन् ।