तरकारी तथा फलफुल पसलेलाई केमिकल‌ सहितको स्प्रे

२७चैत,हेटौंडा।हेटौंडा ४ ख्पगल्ली र हेटौंडा १० बसपार्कको तरकारी तथा फलफुल पसललमा मानिसको निकै भिडभाड देखिने गरेको छ।भिडभाडमा कोरोनाको संक्रमण फैलन सक्ने भन्दै त्यसबाट बच्न तरकारी तथा फलफुल पसलेलाई  केमिकल‌ सहितको स्प्रे प्रदान गरिएको छ।

मकवानपुर उद्योग वाणिज्य संघले तरकारी तथा फलफुल पसलेलाई उक्त केमिकल सहितको स्प्रे उपलब्ध गराएको हो।संघले यस स्थानमा मानिसको भिडभाड देखिएको र कोरोनाको संक्रमणको जोखिम देखिएकोले  केमिकल सहितको स्प्रे उपलब्ध गराइएको संघका उद्योग तर्फका सचिव सन्तोष कुमार अर्यालले बताएका छन्।

संघका वरिष्ठ उपाध्यक्ष माधव न्यौपाने,वाणिज्य तर्फका उपाध्यक्ष कृष्ण गुप्ता अग्रवाल र सचिव सन्तोष अर्यालले संयुक्त रुपमा उक्त स्प्रे तरकारी पसलेलाई हस्तान्तरण गरेका थिए ।हस्तान्तरण कार्यक्रममा  संघका कार्यसमिति सदस्य सुनिल अधिकारी,रुपकराजदाहाल,नरेन्द्रभण्डारी,प्रहरी,ट्राफिक प्रहरी र नगर प्रहरीको उपस्थिती रहेको थियो ।

मकवानपुर प्रशासनले लकडाउन अवधिभर  बिहान १० बजेदेखि ३ बजे सम्म तरकारी तथा खाद्यान्न पसल खुल्ला गरी तरकारी र खाद्यान्न बिक्री वितरण गर्न अनुमति दिएसँगै दिउँसको समयमा ख्पगल्ली, बसपार्कको तरकारी मन्डि, स्कुलरोडको खाद्यान्न पसलमा निकै भिड लाग्ने गरेको छ।यता  प्रहरीले भिड कम गर्न विभिन्न उपाय अपनाउदै भिडभाड नगर्न अनुरोध गरेपनि सर्वसाधारण भने प्रहरीको अनुरोधलाई लत्याउँदै सामाजिक दुरी कायम नगरी तरकारी किन्न गरेका छन्।