समाजसेवी विकेश जसले दिए ९३ घरधुरीलाई खाद्यान्न

२८ चैत, हेटौँडा । विश्वव्यापी रूपमा फैलिरहेको कोरोना भाइरसको जोखिमलाई मध्यनजर गर्दै देश अहिले लकडाउनमा छ ।लकडाउनका१८ औ दिन सम्म कामकाज ठप्प हुदा न्युन आय भएका दैनिक ज्याला मजदुरी गर्ने मानिस खाद्यान्न अभावको चपेटामा परेका छन ।

बागमती प्रदेशको राजधानी समेत रहेको हेटौँडामा पनि लकडाउनको प्रभाव परेको छ । काम काज बन्द हुदा विशेषगरी दैनिक ज्याला मजदुरी गर्ने मानिस लकडाउनको प्रभाव परेका छन।

दैनिक ज्याला मजदुरी गर्ने मानिसलाइ मध्यनजर गर्दै लकडाउनको पालनमा गर्दै घरमै बसेर सामाजिक सञ्जालबाट अभियान चलाएर हेटौँडाका एक युवाले लकडाउनको चपेटामा परेका  मानिसलाई खाद्यान्न सहयोग छन । 

हेटौँडा १ पिपलबोट बस्ने युवा व्यवसायी विकेशलाल श्रेष्ठले सामाजिक संजला मार्फत एक साता लामो अभियान चलाएर दैनिक ज्याला मजदुरी गरी गुजारा टार्ने मानिसलाई खाद्यान्न सहयोग गरेका हुन।श्रेष्ठले अभियान मार्फत सहयोगि हातहरुसंगको सहकार्यमा हेटौंडामा दैनिक ज्यालादारी गर्ने मजदुरका ९३ घरपरिवारलाई खाद्यान्न सहयोग गरिसकेका हुन ।एक सातामा सहयोगि हातहरुसंग १ लाख ९२ हजार पाँच सय संकलन भएको र संकलित रकम हेटौडाको विभिन्न वडामा दैनिक ज्याला मजदुरी गरी बस्ने करिब ९३ घर परिवारलाई वडा कार्यालयको समन्वयमा  खाद्यान्न वितरण गरिएको  युवा व्यवसायी श्रेष्ठले प्रष्ट खबरलाई बताए । 

सहयोग गर्ने सम्पुर्ण सहयोग हातहरुलाई धन्यवाद दिदैं श्रेष्ठले लकडाउनको चपेटामा न्युन वर्गामा मानिस परेका बेला मैले निस्वार्थ भावनाले सहयोग गर्नुपर्ने भन्दै नगरभित्र राहत वितरणमा राजनीति भइरहेको अवस्था आफुले विना स्वार्थ राजनितिक भाव नराखी दैनिक ज्याला मजदुरी गर्नेको पहिचान गरी खाद्यन्न सहयोग गरेको बताए । 

श्रेष्ठले केही दिन अघि आखाँमा चोटलागि गम्भिर घाइते भई उपचार गर्न आर्थीक अवस्था कमजोर भएका हेटौँडा १७ राजदेवी निवासी ६ बर्षीय सन्तोष कार्कीलाई आर्थीक सहयोग गरेका थिए ।

यो पनि पढ्नुस्
मनकारी विकेस र मिलनले गरे आँखामा चोटग्रस्त बालकलाई आर्थिक सहयोग