लकडाउनको प्रभावःहेटौँडामा 'न्यु मिडिया' मार्फत कक्षा

२८ चैत,हेटौँडा।देशमा लकडाउन जारी छ ।सरकारले कोरोना भाइरसको संक्रमणको जोखिमलाई मध्यनजर गरेर लकडाउनको समय तेस्रो पटक बढाएर बैशाख ३ गते सम्म कायम गरेको छ।लकडाउनका कारण सरकारले एसइइ र कक्षा ११ र १२को परीक्षा अर्को सुचना अनाउदा सम्मका लागि स्थगित गरेको छ । 

एसइइ र कक्षा ११ र १२ को परीक्षा स्थगित भएपछि परीक्षाको तयारीमा रहेका विद्यार्थी अहिले फुर्सदिला बनेका छन ।मकवानपुरमा भने फुर्सदिला बनेका विद्यार्थीलाई शिक्षकहरुले न्यु मिडियाको माध्यमबाट पढाइमा सहयोग पुर्याइरहेका छन । 

परीक्षा अनिश्चत भएको भन्दै एसईईको तयारी गरिरहेका विद्यार्थी अहिले अध्ययनमा समेत रुचि देखाउन छाडेकाले न्यु मिडियाको सहयोगमा अनलाइन कक्षा गर्ने गरेको नेल्टा बागमती प्रदेशका अध्यक्ष तथा सिद्धार्थ माविका अंग्रेजी शिक्षक गणेश प्रसाद हुमागाईले प्रष्ट खबरलाई बताए । 

परीक्षा स्थगित भएर विद्यार्थी मोवाइल र कम्प्युटरमा ब्यस्त भएको अभिभावकहरुले गुनासो गरेपछि नगरका केही विद्यालयका शिक्षकहरूले घरबाट अनलाइन मार्फल फेसबुक,भाइबर जस्ता न्यु मिडियाको माध्यमबाट विद्यार्थीको पढाइमा सहयोग पुयाउने काम गरिरहेको हुमागाईले बताए ।

हेटौंडा क्याम्पसका लेक्चरर विवशजंग थापाले परीक्षा सरेर फुर्सदिला बनेका विद्यार्थीलाई निश्चित समयमा जुम एप्सका माध्यमबाट एकै पटक २५। ३० जना विद्यार्थीलाई संजालमा जोड्दै विद्यार्थीको समस्यालाई हल गर्ने गरेको बताए ।“सामजिक संजालको पहुच भन्दा टाँढा रहेको विद्यार्थीलाई आवश्यक परेको विषय शिक्षकलाई फोन गरेर र म्यासेजको माध्यमबाट समस्या हल गर्ने गर्दछौँ " थापाले बताए। 

अहिले लकडाउनमा विद्यार्थीलाई मोनोटोनस नहोस भन्दै हेटौँडा–२ सिद्धार्थ मावि अंग्रेजी माध्यमका विज्ञान शिक्षक प्रकाश दुलाल, हेटौंडा –९ स्थित प्रगति माविका सहायक प्रधानाध्यापक किशोर पराजुली,त्यसैगरी हेटौंडा–६,चौघडास्थित वंशगोपाल माविका शिक्षक सरोज लामिछाने,हेटौंडा–१८ हर्नामाडीमा रहेको ज्योति माविका गणित शिक्षक भुपेन्द्रचौलागाइँ,हेटौंडा–२,बासुदेव मार्गको बालजागृति बोर्डिङ स्कुल,हेटौँडा–६मा रहेको सुनगाभा शिक्षा निकेतन,हेटौँडा–५ मा रहेको जि एस निकेतन,हेटौंडा–१४मयुरधापस्थित जनज्योति मावि र हेटौंडा ७ नागस्वतिमा रहेको तासिर बोडिङ्ग स्कुलले लकडाउनमा घरमै रहेका विद्यार्थीसंग न्य मिडिया मार्फत आइसिटि कक्षा संचालन गरिरहेका छन ।