हेटौँडामा प्रहरी सवारी समाउँछन, सर्वसाधारण घुम्न रमाउँछन् 

एम्बुलेन्समा बिरामी बनेर घुम्न निस्किएका र ट्रकलाई चेकजाच गर्दै प्रहरी

३० चैत, हेटौँडा । सरकारले लकडाउन घोषणा गरेको आज २०औं दिन पुगेको छ ।हेटौंडामा प्रहरीले दिनदिनै लकडाउन उल्लङ्घन गर्ने सवारीलाई नियन्त्रणमा लिएको छ तर सर्वसाधरण लकडाउनको प्रवाह नगरी घुम्न मात्रै रमाएको देखिएको छ ।लकडाउनमा प्रहरीले जतिनै कडाइ गरेपछि सर्वसाधरण भने अटेर गर्दै सवारी चलाउन र घुम्नमा मस्त देखिएका छन ।
शनिबार प्रहरीले हेटौंडाबाट ठुलो संख्यामा लकडाउन उल्लङ्घन गर्ने सवारी नियन्त्रणमा लिएको थियो सवारी चाकलाई सम्झाइबुझाइ गरेर साझ छाडियो।आइतबार लकडाउन उल्लङ्घन गर्नेको संख्यामा कमि आउने विश्वास गरिएपनि लकडाउन उल्लंघन गरी सवारी चलाउनेको संख्यामा कमि आएन ।
प्रहरीले आइतबार दिनभरमा हेटौँडाबाट लकडाउन उल्लंघन गरी सवारी चलाएको भन्दै  १८५ वटा सवारीलाई नियन्त्रणमा लिएको छ । प्रहरीले लकडाउन उल्लंघन गर्दै हेटौँडाका विभिन्न क्षेत्रमा चलाईएका १७१ वटा मोटरसाइकल सहित १८५ सवारीलाई नियन्त्रणमा लिएको जिल्ला प्रहरी कार्यालय मकवानपुरका सुचना अधिकारी प्रहरी निरीक्षक सुजन पाठकले बताए । “ हामी लकडाउन उल्लङ्घन गर्नेलाई पहिला समझाउछौ नमाने नियन्त्रणमा लिन्छौ तर जनताले बाहन पार्छन र लकडाउन भनेको घुम्नका लागि हो भन्दै प्रहरीले आँखा छल्दै घुम्छन्“ प्रहरी निरीक्षक पाठकले प्रष्ट खबरलाई बताए।
उनले आइतबार  दिनभरमा १७१मोटरसाइकल, ११वटा अटो र ३ वटा साना सवारी गरी १८५ सवारीलाई नियन्त्रणमा लिएको जनाएका छन् नियन्त्रणमा लिईएका सवारी मध्ये १७१ सवारीलाई दिनभर होल्ड गरी साँझ छोडिएको बताए ।
हेटौंडामा लकडाउन उल्लङ्घन गर्नेको संख्यामा कमि नआएपछि मकवानपुर प्रहरीले लकडाउनलाई भोलिबाट कडाइ गर्ने रणनिती बनाएको जनाइएको छ।