मनहरी र हेटौंडा-३ लाई बस्तिपुर जेसीजको सहयोग

१ बैशाख, हेटौंडा । मकवानपुरको मनहरी गाउँपालिका र हेटौंडाको ३ नम्बर वडालाई बस्तिपुर जेसीज हाँडीखोलाले नगद सहयोग गरेको छ । यसअघि हेटौंडाको १९ नम्बर वडालाई नगद सहयोग गरेको जेसीजले आइतबार हेटौंडाको ३ नम्बर वडालाई नगद १० हजार र मनहरी गाउँपालिकालाई नगद २० हजार रुपैयाँ सहयोग गरेको हो ।
कोरोनाको कारण विश्व नै समस्यामा रहेको अवस्थामा जेसीजले आफ्नो कार्यक्षेत्र अन्तर्गतको स्थानीय तहलाई सहयोग अभियान शुरु गरेको थियो । कोरोनाविरुद्धको अभियानमा काम गर्न सहयोग पुर्याउने उद्धेश्यले जेसीज सदस्यबाट रकम संकलन गरि आर्थिक सहयोग गरिएको अध्यक्ष जयराम सुबेदीले जानकारी दिए । मनहरी गाउँपालिका अध्यक्ष एकराज उप्रेतीले जेसीजबाट प्राप्त सहयोगले हौसला मिलेको बताए । गाउँपालिकाको अभियानमा सहयोग गरेकोमा उप्रेतीले जेसीजलाई धन्यवाद दिएका थिए । कार्यक्रममा उपस्थित हेटौंडा उपमहानगर १९ नम्बर वडा अध्यक्ष नरनाथ सुवेदी नवराजले आफ्नो वडामा जेसीज विकासको साझेदारको रुपमा रहेको उल्लेख गर्दै मनहरी गाउँपालिकाले पनि साझेदार बनाउनपर्नेतर्फ सुझाव दिए ।
यस्तै हेटौंडा ३ नम्बर वडाध्यक्ष रामकुमार पुडासैनीले सहयोगप्रती खुसी व्यक्त गर्दै आगामी दिनमा वडा कार्यालय सहकार्यका लागि तयार रहेको बताए । सहयोग हस्तान्तरण कार्यक्रममा बस्तिपुर जेसीजका पूर्व अध्यक्ष बसन्तकुमार सिटौला, अध्यक्ष सल्लाहकार प्रकाश लामा थोकरसहित जेसीज पदाधिकारीहरुको उपस्थिति रहेको थियो । बस्तिपुर जेसीजको कार्यक्षेत्र मनहरी गाउँपालिका र हेटौंडाको ३ र १९ नम्बर वडा हो ।