कोरोना कहरः मृतकको संख्या १ लाख १४ हजार नाघ्यो 

१ बैशाख, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) को संक्रमणबाट मर्नेको संख्या १ लाख १४ हजार नाघेको छ ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोना संक्रमणका कारण मर्नेको संखया १ लाख १४ हजार २ सय ८ पुगेको छ । पछिल्लो २४ घण्टामा मात्रै कोरोनाबाट ५ हजार ४ सय १५ जनाको मृत्यु भएको छ ।
यस्तै अहिलेसम्म कोरोना संक्रमणबाट विश्वभर कुल १८ लाख ५२ हजार ६ सय ५२ जना मासिन संक्रमित भएका छन् । पछिल्लो २४ घण्टामा मात्रै ७२ हजार ६ सय १६ जना नयाँ कोरोना संक्रमित थपिएका छन् ।
संक्रमितहरु मध्ये ठूलो संख्यामा उपचारपछि निको पनि भएका छन् । पछिल्लो तथ्यांक अनुसार ४ लाख २३ हजार ३ सय ११ जना उपचारपछि निको भएका छन् ।
यस्तै भाइरसका संक्रमणका कारण अहिले ५० हजार ७ सय ७७ जना गम्भीर अवस्थामा उपचार गराइरहेका छन् भने १२ लाख ६४ हजार २ सय ८६ जनाको अवस्था मध्यम रहेको छ । 
कोरोनाको संक्रमणबाट पछिल्लो समय सबैभन्दा बढी मानिसको मृत्यु अमेरिकामा भएको छ । अमेरिकामा ज्यान गुमाउँनेको संख्या २२ हजार १ सय ५ पुगेको छ । पहिलो २४ घण्टामा यहाँ थप १ हजार ५ सय २८ जनाको मृत्यु भएको छ । 
अमेरिकापछि अहिलेसम्म इटलीमा सबैभन्दा बढीको कोरोना संक्रमणबाट ज्यान गएको छ । यहाँ थप ४ सय ३१ जनाको मृत्यु भएपछि कुल १९ हजार ८ सय ९९ जनाको मृत्यु भएको छ ।
इटालीमा पछिल्लो समय ४ हजार ९२ जना नयाँ संक्रमित थपिएका छन् । यहाँ कुल १ लाख ५६ हजार ३ सय ६३जना कोरोना संक्रमित पुगेका छन् ।
यसैगरी कोरोनासंग जुधिरहेको अर्को यूरोपेली मुलुक स्पेनमा ज्यान गुमाउनेको संख्या १७ हजार २ सय ९ पुगेको छ । स्पेनमा पछिल्लो २४ घण्टामा ६ सय ३ जना थप मानिको मृत्यु भएको छ भने ३ हजार ८ सय ४ जना नयाँ संक्रमित थपिएका छन् ।
यसैगरी लगातार मृतक र नयाँ संक्रमित बढिरहेको फ्रान्समा पछिल्लो २४ घण्टामा ५ सय ६१ जनाले ज्यान गुमाएपछि यहाँ मर्नेको संख्या १४ हजार ३ सय ९३ पुगेको छ । यहाँ संक्रमितको संख्या १ लाख ३२ हजार ५ सय ९१ पुगेको छ । फ्रान्समा पछिल्लो २४ घण्टामा २ हजार ९ सय ३७ जना नयाँ संक्रमित थपिएका छन् । 
यसैगरी कोरोना भाइरसको संक्रमणबाट बेलायतमा १० हजार ६ सय १२ जनाको मृत्यु भइसकेको छ । यहाँ पनि पछिल्लो समयमा मृतकको संख्यामा बृद्धि भइरहेको छ । बेलायतमा एकैदिन थप ७ सय ३७ जनाको मृत्यु भएको छ । 
यसैगरी मध्यपूर्वी एसियाली मुलुक इरानमा ४ हजार ४ सय ७४, बेल्जियममा ३ हजार ६ सय, जर्मनीमा ३ हजार २२, नेदरल्याण्डसमा २ हजार ७ सय ३७, ब्राजिलमा १ हजार २ सय २३, टर्कीमा १ हजार १ सय ९८ र स्विटजरल्याण्डमा १ हजार १ सय ६ जनाले ज्यान गुमाएका छन् ।
कोरोना भाइरसको उदगमस्थन चीनमा भने नयाँ संक्रमित र ज्यान गुमाउनेको संख्या स्थिर बनेको छ । यहाँ अहिलेसम्म ३ हजार ३ सय ३९ जनाले ज्यान गुमाएका छन् ।