कोरोना कहरः मृत्यु हुनेको संख्या  १ लाख ४५ हजार नाघ्यो

५ बैशाख, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) को संक्रमणबाट मर्नेको संख्या १ लाख ४५ हजार नाघेको छ ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोना संक्रमणका कारण मर्नेको संखया १ लाख ४५ हजार ४ सय ७० पुगेको छ । पछिल्लो २४ घण्टामा मात्रै संक्रमणबाट ६ हजार ९ सय ९६ जनाको मृत्यु भएको छ ।
यस्तै अहिलेसम्म कोरोना संक्रमणबाट विश्वभर कुल २१ लाख ८१ हजार ३ सय ८ जना मासिन संक्रमित भएका छन् । पछिल्लो २४ घण्टामा मात्रै ९५ हजार २२ जना नयाँ कोरोना संक्रमित थपिएका छन् ।
संक्रमितहरु मध्ये ठूलो संख्यामा उपचारपछि निको पनि भएका छन् । पछिल्लो तथ्यांक अनुसार ५ लाख ४७ हजार ६९ जना उपचारपछि निको भएका छन् । यस्तै भाइरसका संक्रमणका कारण अहिले ५६ हजार ६ सय २ जना गम्भीर अवस्थामा उपचार गराइरहेका छन् भने १४ लाख ३२ हजार १ सय ६७ जनाको अवस्था मध्यम रहेको छ । 
कोरोनाको संक्रमणबाट पछिल्लो समय सबैभन्दा बढी मानिसको मृत्यु अमेरिकामा भएको छ । अमेरिकामा ज्यान गुमाउँनेको संख्या २९ हजार ५ सय ६७ पुगेको छ । यहाँ पहिलो २४ घण्टामा यहाँ २ हजार १ सय ७४ जना व्यक्तिको मृत्यु भएको छ । अमेरिकापछि अहिलेसम्म इटलीमा सबैभन्दा बढीको कोरोना संक्रमणबाट ज्यान गएको छ । यहाँ थप ५२५ जनाको मृत्यु भएपछि कुल २२ हजार १ सय ७० जनाको मृत्यु भएको छ ।
यसैगरी कोरोनासंग जुधिरहेको अर्को यूरोपेली मुलुक स्पेनमा ज्यान गुमाउनेको संख्या १९ हजार ३ सय १५ पुगेको छ । स्पेनमा पछिल्लो २४ घण्टामा ५ सय ३ जना थप मानिको मृत्यु भएको छ ।
यसैगरी लगातार मृतक र नयाँ संक्रमित बढिरहेको फ्रान्समा पछिल्लो २४ घण्टामा ७ सय ५३ जनाले ज्यान गुमाएका छन् । यहाँ संक्रमणबाट मर्नेको संख्या १७ हजार ९ सय २० पुगेको छ । 
यसैगरी कोरोना भाइरसको संक्रमणबाट बेलायतमा १३ हजार ७ सय २९ जनाको मृत्यु भइसकेको छ । यहाँ पनि पछिल्लो समयमा मृतकको संख्यामा बृद्धि भइरहेको छ । बेलायतमा एकैदिन थप ८ सय ६१ जनाको मृत्यु भएको छ । 
यसैगरी मध्यपूर्वी एसियाली मुलुक इरानमा ४ हजार ८ सय ६९, बेल्जियममा ४ हजार ८ सय ५७, जर्मनीमा ४ हजार ५२, नेदरल्याण्डसमा ३ हजार ३ सय १५, ब्राजिलमा १ हजार ९ सय ४७, टर्कीमा १ हजार ६ सय ४३, स्विटजरल्याण्डमा १ हजार २ सय ८१ जनाले ज्यान गुमाएका छन् ।
कोरोना भाइरसको उदगमस्थन चीनमा संक्रमणबाट ज्यान गुमाउनेको संख्या स्थि तबनेको छ । यहाँ अहिलेसम्म ३ हजार ३ सय ४२ जनाले ज्यान गुमाएका छन् ।