एकै दिनमा विश्वभर ९४ हजार बढी नयाँ संक्रमित थपिए

५ बैशाख, हेटौंडा । पछिल्लो २४ घण्टामा कोरोना भाइरस (कोभिड–१९)बाट ९४ हजार भन्दा बढी मानिसहरु संक्रमित भएका छन् ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार पछिल्लो २४ घण्टामा थपिएका ९४ हजार ९ सय ७६ जना नयाँ सक्रमित सहित कुल संक्रमितको संख्या २१ लाख ८१ हजार ३ सय ८ पुगेको छ ।
अहिलेसम्म विश्वमा संक्रमितिको संख्या सबैभन्दा बढी अमेरिकामा रहेका छ । यहाँ पछिल्लो २४ घण्टामा २९ हजरा ५ सय ६७ नयाँ कोरोना संक्रमित थपिएका छन् । यो सँगै अमेरिकामा कुल ६ लाख ७७ हजार ५ सय ७० जना संक्रमित पुगेका छन् । 
संक्रमित थपिने क्रम तिब्र बेनको फ्रान्समा कुल संक्रमितको संख्या १ लाख ६५ हजार पुगेको छ । यहाँ पछिल्लो २४ घण्टामा १७ हजार १ सय ६४ जना नयाँ संक्रमित थपिएका छन् । 
पछिल्लो समय नयाँ संक्रमित थपिने मुलुकमा बेलायत पनि अगाडी रहेको छ । यहाँ पछिल्लो २४ घण्टामा ४ हजार ६ सय १७ जना नयाँ संक्रमित थपिएका छन् । 
कुल संक्रमितको संख्यामा विश्वको दोश्रो स्थानमा रहेको स्पेनमा पछिल्लो २४ घण्टामा ४ हजार २ सय ८९ जना नयाँ संक्रमित थपिएका छन् । यहाँ केही समयबाट संक्रमितको संख्या घटिरहेको छ । स्पेनमा अहिलेसम्म कुल १ लाख ८४ हजार ९ सय ४८ जना संक्रमित भइसकेका छन् ।
यसैगरी विश्वको कुल संक्रमित संख्यामा तेश्रो स्थानमा रहेको इटालीमा ३ हजार १ सय ५३ जना नयाँ संक्रमित थपिएका छन् ।
यस्तै टर्कीमा ४ हजार ८ सय १, रसियामा ३ हजार ८ सय ४८, जर्मनीमा २ हजार ९ सय ४५, ब्राजिलमा २ हजार ७३, कयानडामा १ हजार ७ सय २७, इरानमा १ हजार ६ सय ६, बेल्जियम १ हजरा २ सय ३६, नेदरल्याण्डसमा १ हजार ६१, भारतमा १ हजार ६० जना नयाँ संक्रमित थपिएका छन् । विश्वका अन्य मुलुकमा पनि कोरोना संक्रमितको संख्या तिब्र गतिमा बढि रहेको छ ।