हिमाल मुटु र रानी वनद्वारा वडा कार्यालयलाई सहयोग

सहयोग रकम हस्तान्तरण गर्दै रानी वनका पदाधिकारीहरु ।

भीमसेन पौडेल
५, बैशाख, हेटौडा । हिमाल मुटु, नेपाल, सिदस्थली ग्रामीण सामुदायिक हस्पिटल र हेटौडा–६ चौघडामा रहेको रानी सामुदायिक वन उपभोक्ता समुहले हेटौडा–६ नम्वर वडा कार्यालयलाई शुक्रवार राहत सामाग्री सहयोग गरेका छन । हिमाल मुटुले ५० घरधुरीलाई राहत उपलव्ध गराईएको थियो  । 
हेटौडा–६ का वडा अध्यक्ष अर्जुनप्रसाद चौलागाईलाई हिमाल मुटुका अध्यक्ष डा. अवन गौतम, सिदस्थली ग्रामीण हस्पिटलका अध्यक्ष होमनाथ गौतम र व्यवस्थापक गोमा गौतमले राहत सामाग्री हस्तान्तरण गरेका थिए । हस्पिटलले ५० घरधुरीलाई प्रति परिवार चामल ५ केजी, पिठो २ केजी, चिउरा २ केजी, दाल १ केजी, गेडागेडी १ केजी, चिनी १ केजी, नून १ केजी, तेल १ लिटर, हर्लिक्स १ वटा, सावुन १ वटा, चियापत्ती १ पाकेट उपलव्ध गराएको छ । 
यसैगरी रानी सामुदायिक वन उपभोक्ता समूहले १२ घरधुरीलाई राहत रकम हस्तान्तरण गरेको छ । वडा अध्यक्ष अर्जुनप्रसाद चौलागाईलाई समूहका कोषाध्यक्ष बसन्तप्रसाद अधिकारीले १५ हजार रकम सहयोग गरेका हुन । सहयोग प्रति आभार व्यक्त गर्दै वडा अध्यक्ष चौलागाईले हिमाल मुटु र रानी सामुदायिक वनलाई धन्यवाद दिएका छन । लकडाउनका कारण छाक टार्न मुस्किल परेका परिवारलाई  राहतले सहयोग गर्ने अध्यक्ष चौलागाईले बताए । 
राहत सहयोग कार्यक्रममा  नगर कार्यपालिका सदस्य कल्पना विक. वडा सदस्य सुभद्रा तिमल्सिना, रामहरि राई, राजकुमार बास्तोला, वडा सचिव अमोद मैनाली, नेकपा, हेटौडा– ६ का अध्यक्ष पुष्पराज पराजुली, राप्रपा ६ का अध्यक्ष केदार राई, टोल विकास संस्था वडा समन्वय समिति हेटौडा–६ का अध्यक्ष केशव धिताल, संचारकर्मी भीमसेन पौडेल लगायतको उपस्थिति रहेको थियो ।