छानो नहुदा रात काट्न समस्या

मनहरी-५ डिल्लीपुरमा छानो उडाएको घर

६ बैशाख, हेटौंडा। ‍मकवानपुरको मनहरी गाउँपालिका वडा नम्बर ५ का   एक सय ५० भन्दा बढि घर र ५० बढि गोठ शुक्रबार राति आएको असिनापानी र हावाहुरीको क्षति पुर्याएपछि करिब आधा दर्जन घरधुरी खुल्ला आकाशमुनि बस्न बाध्य भएका छन्।

गएराति आएको हावाहुरीले घर गोठको जस्तापाता उडाएको र घरमा राखेका अन्नपात र लत्ताकपडा सबै पानीले भिजेको अवस्थामा पिडित परिवार छाना नभएको घरमा बस्न परेको हो।हिजोको हावाहुरीले छाना लग्यो  शनिबारको असिनापानिले  गासै लग्यो स्थानिय ५० बर्षीया एक महिलाले टोलिफोन मार्फत प्रष्ट खबरलाई बताइन । न छानो छ ,न खाना पाइएको छ, एकातिर कोरोना अर्कोतिर हावाहुरी असिनाको डर"- पिडित नेत्र बहादुर न्यौपानेले बताएका छन्।यो समाचार तयार पार्दासम्म उक्त स्थानमा असिनापानी परिरहेको स्थानिय सम्प्रस पौडेलले प्रष्ट खबरलाई टोलिफोन गरेर जानकारी दिएका छन्। 

हिजोको हावाहुरीका कारण मनहरी गाउँपालिका‌ -५ को डिल्लीपुर, बसन्तपुर, रातोमाटे लगायतका आधा दर्जन गाउँका घर हावाहुरीले छानाविहिन छन् । ठाउँ ठाउँमा बिजुलीका पोल ढलेकोले उक्त स्थानमा अहिले बिद्युत आपूर्ति ठप्प रहेको छ। शनिबार विहान उक्त स्थानमै रहेका  गाउँपालिका अध्यक्ष एकराज उप्रेतीले तथ्यांक संकलनपछि जिल्ला प्रशासन कार्यालय मकवानपुर अन्तरगत रहेको कमाण्ड पोष्टमार्फत राहतको व्यवस्था गर्ने प्रष्ट खबरलाई बताएका थिए।