कांंग्रेस हेटौंडा नगरको विभिन्न समिति गठन

२ बैशाख, हेटौंडा । नेपाली कांग्रेस हेटौंडा उपमहानगरको शनिबार बसेको बैठकले स्थानीय तह निर्वाचनको लागि विभिन्न समितिहरु गठन गरेको छ ।
बैठकले नगर सचिव दीपक खतिवडाको संयोजकत्वमा ५१ सदस्यीय हेटौडा उपमहानगर निर्वाचन परिचालन समिति गठन गरेको छ । त्यस्तै उत्सव ईटेनीको संयोजकत्वमा १५०१ सदस्यीय चुनाव प्रचारप्रसार समिति र नगर कोषाध्यक्ष कवि सांगामीको संयोजकत्वमा २१ सदस्यीय आर्थिक संकलन एवं परिचालन समिति गठन गरिएको छ ।
पार्टीका नगर सभापति आनन्दराम पराजुलीको सभाध्यक्षतामा बसेको बैठकमा नगरका पदाधिकारी, सदस्य तथा सल्लाहकारहरको उपस्थिति रहेको थियो ।
यस्तै, नेपाली काँग्रेसको चुनाव प्रचारप्रसार अभियानअन्र्तगत हेटौंडा ४ कर्रामा शनिबार चुनाव प्रचारप्रसार समिति गठन गरिएको छ ।
नेपाली काँग्रेस हेटौंडा ४ का सभापति हरिप्रसाद पौडेलको सभाध्यक्षता तथा कार्यक्रममा पार्टीका कार्यबहाक सभापति विष्णुप्रसाद लामिछानेको प्रमूख आतिथ्यतामा भएको कार्यक्रममा गोपालबहादुर कार्कीको संयोजकत्वमा ५१ सदस्यीय कर्रा टोल चुनाव प्रचारप्रसार समिति गठन गरिएको हो ।
कार्यक्रममा अतिथिहरु निवर्तमान सभापति रघुरमण न्यौपाने, सल्लाहकार अशोक शाक्य, जिल्ला प्रवक्ता प्रदिप कोईराला, जिल्ला सदस्य सुनिल दाहाल, नगर सभापति आनन्दराम पराजुली, डिएलएका केन्द्रीय उपाध्यक्ष केशवप्रसाद काफ्ले, ३ नम्बर क्षेत्रीय सदसय गणेशहरि उप्रेती, ३ नम्बर क्षेत्रीय तरुण दल अध्यक्ष सञ्जय श्रेष्ठ, ४ नम्बर वडा अध्यक्ष कमलराज मैनाली, ४ नम्बर वडा महिला संघ सभापति उषा उप्रेतीलगायतले मन्तव्य व्यक्त गरेका थिए ।