हेटौंडामा मूख्य निर्वाचन अधिकृतको कार्यालय स्थापना

सुनिल शिवाकोटी

३ बैशाख, हेटौंडा । मकवानपुरमा पनि निर्वाचन प्रक्रिया सञ्चालनका लागि हेटौँडा उपमहानगरपालिका–२ मा जिल्ला समन्वय समितिको भवनमा मुख्य निर्वाचन अधिकृतको कार्यालय स्थापना गरिएको छ ।

प्रमुख निर्वाचन आयुक्त डा. अयोधीप्रसाद यादवले स्थानीय तह निर्वाचन प्रक्रिया सञ्चालनका लागि आइतबार देशका ७५ वटै जिल्लामा मुख्य निर्वाचन अधिकृतको कार्यालय स्थापना हुने उदघोष गरेसंगैे कार्यालय स्थापना भएको हो ।

प्रत्येक गाउँपालिका र नगरपालिकामा एक एक ओटा निर्वाचन अधिकृत कार्यलय स्थापना गर्ने क्रममा हेटौडा उपमहानगरलिकाको मुख्य निर्बाचन अधिकृत कार्यलय स्थापना गरिएको  र मकवानपुरको ८ वटा गाँउपालिका र थाहा नगरपालिकामा पनि अबको  एक साता भित्र  निर्वाचन अधिकृत कार्यालय कार्यालय स्थापना गरी सन्चालमा ल्याउने निर्वाचन आयोग मकवानपुरका प्रमुख निर्वाचन अधिकृत गोविन्द पौडेलले बताए ।

स्थानिय तहको निर्वाचनको लागि मुख्य निर्वाचन अधिकृतको कार्यालय स्थापना भए सगै कार्यालयले हेटौँडा उपमहानगरपालिका क्षेत्रको मेयर , उपमेयर, वडा अध्यक्ष र सदस्यको निर्वाचन साथै अन्य स्थानीय तहको निर्वाचन प्रक्रिया सञ्चालनका लागि जिल्लाको सबै निर्वाचन अधिकृतको कार्यालयको गतिवीधिमा सहयोग पुर्‍याउने छ ।

आठ गाउँपालिका, थाहा नगरपालिका र हेटौँडा उपमहानगरपालिकामा गरी २९५ वटा मतदान केन्द्र तोकिएको छ । मकवानपुरमा २ लाख २७ हजार ७ सय ५९ जना मतदाता रहेका छन् ।