दैनिक सयौंलाइ भोजन गराउदै प्रणामी समाज मकवानपुर

भोजन गराउदै प्रणमी समाज मकवानपुर

१३ बैशाख,हेटौंडा।अलपत्र परेकालाई सेवा गर्नु मानवीय विशेषता हो।देश लकडाउनमा रहेको अवस्थामा दैनिक ज्याला मजदुरी गरेर जिविको पार्जन गर्ने समस्यामा परेका छन्।

न्युन आय भएका राहतको पर्खाइमा छन् भने राहत वितरण गर्ने निकाय बेखबर रहेका छन्। सरकारले लकडाउन लम्बियाउदा  न्युन आय भएका मानिस भोकमरीको चपेटमा पर्दै गएका छन्। शहरमा दैनिक ज्याला मजदुरी गरेर पेट पाल्नेहरु कमाएको पैसा सकिएर,खाने कुराको अभावमा शहर छोडेर घर जना बाध्य बनेका छन्। 

अहिले लकडाउनका कारण  हेटौंडा हुदै दैनिक सयौं मानिस पैदलनै यात्रा गरेर घर गइरहेका छन्।यसै क्रममा लकडाउनका समयमा हेटौंडामा अलपत्र परेका सयौ मानिसलाई श्री कृष्ण प्रणामी समाज मकवानपुरले भोजन खुवाउने अभियान सुरु गरेको छ।श्रीकृष्ण प्रणामी समाजले बिगत एक सातादेखि हेटौंडा–४ मेनरोडमा यात्रीहरुलाई भोजनको व्यवस्था  गरिरहेको छ।श्री कृष्ण प्रणामी समाजले अहिले बिहान ९ बजे देखि साँझ ६ बजे सम्म पैदल यात्रामा हिडेकाहरुलाई भोजन गराइरहेका छन्। 

लकडाउनका कारण गाडी नचल्दा  पैदल गन्तव्यमा जान हिडेकाहरु भोकभोकै परेकोले भोजनको व्यवस्था गरिएको श्रीकृष्ण प्रणाम युवा परिषद नेपालका केन्द्रीय सल्लाहकार रोमप्रसाद खनालले जानकारी दिएका छन्।समाजले गरेको यो काम जनताले मत दिएर निर्वाचित भइ प्रदेश सरकार र स्थानीय सरकारको नेतृत्व सम्हाल्न पदमा पुगेकाले पनि गर्न जरुरी देखिएको छ।