रौतहटमा थप दुईजनामा कोरोना, संक्रमितको संख्या ५४ पुग्यो

File Photo

१६ बैशाख, हेटौंडा । नेपालमा मंगलबार दुई जनामा कोरोना संक्रमित थपिएका छन् । प्रदेश नम्बर दुईको रौतहटमा थप दुई जनामा कोरोना संक्रमण पुष्टि भएको हो । 
यो सँगै नेपालमा कोरोना संक्रमितको संख्या ५४ पुगेको छ । अहिलेसम्म १६ जना निको भएर घर फर्किएका छन् ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा. बिकास देवकोटाले कोरोना पुष्टि भएको जानकारी दिएका हुन् ।
जिल्ला अस्पताल गौरका अधिकृत महेश साहका अनुसार दुई जना पुरुषमा कोरोना भाइरसको संक्रमण देखिएको हो ।
जिल्लाको देवाही गोनाही नगरपालिका १ निवासी ३५ वर्षिय पुरुष तथा वृन्दावन नगरपालिका ९ निवासी २५ वर्षिय पुरुषमा कोरोना संक्रमण पुष्टि भएको हो ।
भारतबाट आएका दुवै जनाको स्वाब नमुना परिक्षणका लागि प्रादेशीक अस्पताल जनकपुर पठाईएको थियो तर त्यहाँ नतिजा नेगेटिभ आएपछि अशंका लागेर पुन परिक्षणका लागि काठमाडौं स्थित टेकु अस्पताल पठाउँदा दुवै जनाको नतिजा पोजेटिभ देखिएको बताइएको छ ।
रौतहट जिल्लाको देवाही गोनाही नगरपालिका १ का संक्रमित जयकिसान पोलि टेकनिकल ईस्टिच्युट धरहरीको क्वारेन्टाईनमा बसिरहेका छन भने अर्का संक्रमित वृन्दावन नगरपालिका ९ का पुरुष चन्द्रपुर नगरपालिका ६ स्थित क्वारेन्टाईनमा बसेर डिस्चार्ज भई घर फर्किएको उल्लेख गरिएको छ ।
१५ दिनसम्मको बसाई पछि क्वारेन्टाईनबाट घर फर्काइएको अवस्थामा पनि वृन्दावन नगरपालिका ९ का पुरुषमा कोरोना संक्रमण देखिएको हो । 
संक्रमित देवाही गोनाही नगरपालिका १ का ति पुरुष भारतको दिल्लीबाट फर्केर विगत १५ दिनदेखी क्वारेन्टाईनमा बस्दै आएका थिए भन्ने वृन्दावन नगरपालिका ९ का ति पुरुष भारतबाट नै फर्केर आएका व्यक्ति भएको बताइएको छ ।