२४ घण्टामा १७ सय नमुना परिक्षण, सबैको रिपोर्ट नेगेटिभ

१८ बैशाख, हेटौडा । गएको २४ घण्टामा पिसिआर र आरडिटी विधिबाट परीक्षण भएका करिब १७ सय वटा नमुनाहरु नेगेटिभ आएका छन् । 
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा परीक्षण भएका १ हजार ६ सय ८२ वटा परीक्षण भएकोमा सबैको नेगेटिभ आएको हो । 
अहिलेसम्म नेपालमा ५७ जना संक्रमित रहेको स्वास्थ्य मन्त्रालयको नियमित ब्रिफिङका क्रममा मन्त्रालयका प्रवक्त डा. विकास देवकोटाले जानकारी दिएका हुन् ।
अहिले सबैभन्दा बढी विराटनगरमा ३१ जना, विरगञ्जमा ८ र भरतपुर तथा कैलालीमा १—१ जना उपचाररत रहेकाछन् । उनीहरुको स्वास्थ्य अवस्था सामान्य रहेको प्रवक्ता डा. देवकोटाले जानकारी दिए ।
मन्त्रालयका अनुसार अहिलेसम्म पिसिआर विधिबाट १२ हजार ११ नमुना परीक्षण भएका छन् । आरडिटी विधिबाट ४६ हजार ८ सय ६० वटा नमुना परीक्षण भएका छन् । 
प्रदेश नम्बर १ मा ४ हजार ९ सय ८५, प्रदेश नम्बर २ मा ५ हजार ४ सय ५६, बागमती प्रदेशमा ८ हजार ३ सय ६१ नमुना परीक्षण भएका छन् । 
यसैगरी प्रदेश नम्बर गण्डकी प्रदेशमा ५ हजार ४ सय ११, प्रदेश नम्बर ५ मा ३ हजार ७ सय ९, कर्णाली प्रदेशमा ५ हजार ४ सय ३६ र सुदूरपश्चिम प्रदेशमा १३ हजार ४ सय ११ वटा आरडिटी परीक्षण भएको प्रवक्त देवकोटाले बताए । 
अहिले देशभरी नै २३ हजार हजार ३ सय ३६ जना क्वारेन्टाइनमा रहेका छन् । उपत्यकामा ३ र उपत्यका बाहिर अस्पतालमा ७७ गरी ८० जना आइसोलेसनमा रहेका छन् ।